Ўзбекистонда 27—28 апрель кунлари ўтказилган Иккинчи Тошкент Халқаро инвестиция форуми (TXИФ-2023) ўз якунига етди.
TXИФ-2023да дунёнинг 70 мамлакатидан 2,5 мингдан ошиқ иштирокчи қатнашди. 2022 йилги форумга 50 мамлакатдан 1,5 минг нафар меҳмон ташриф буюрган эди.
Агар биринчи форум доирасида жами 7,8 млрд долларлик 105 та ҳужжат имзоланган бўлса, жорий йилда TXИФ-2023 доирасида 164 та келишув ва шартнома имзоланди, уларнинг умумий қиймати 11 млрд долларга етди.
Инвестициялар, саноат ва савдо вазирлиги ва Туркиянинг Cengiz Enerji San. ve Tic A.Ş. компанияси ўртасида қиймати 300 млн долларга тенг Жиззах вилоятида қуввати 400 МВт бўлган буғ-газ электр станцияси қуриш бўйича инвестиция шартномаси тузилди.
Бундан ташқари, вазирлик Хитойнинг China Gezhouba Group Overseas Investment компанияси билан Бухоро вилоятида қуёш электр станцияларини қуриш бўйича инвестиция шартномаси имзолади. Лойиҳанинг қиймати 500 млн доллар бўлиб, қуёш электр станциясининг қуввати 500 МВт бўлиши белгиланган.
-28.jpg)
Шунингдек, Қурилиш ва уй-жой коммунал хўжалиги вазирлиги ҳамда Саудия Арабистони Қироллигининг Mowah компанияси ўртасида қиймати 90 млн долларга тенг Урганч шаҳрида иссиқлик таъминоти тизимларини ДXШ асосида ривожлантириши бўйича меморандум имзоланди.
Табиат ресурслари вазирлиги ва Кореянинг Sejin G&E So компанияси ўртасида қиймати 55 млн долларга тенг маиший чиқиндилар полигонларида ҳосил бўладиган чиқинди газини қайта ишлаш ҳисобига электр энергияси ишлаб чиқариш инвестиция лойиҳаси бўйича келишув амалга оширилди.
“Агробанк” ҳамда Германиянинг “Commerzbank АG” банки ўртасида қиймати 20 млн савдони молиялаштириш бўйича келишув имзоланди.
Бундан ташқари, “Агробанк” ҳамда Германиянинг “KFW IPEX-Bank” банки билан ҳам 30 млн долларга тенг савдони молиялаштириш бўйича келишувга эришди.
Меҳмонхона соҳасида Hyper Partners компанияси ва Россиянинг Russian Management Hotel Company LLC корхонаси ўртасида беш юлдузли Premium тоифадаги меҳмонхоналарни қуриш бўйича келишув битими имзоланди.
Қишлоқ хўжалиги вазирлиги Франциянинг SLТ компанияси билан 6 млн долларлик инвестиция шартномасини имзолади. Компания Ўзбекистондаги сут ва сут маҳсулотлари ишлаб чиқарадиган маҳаллий заводни сотиб олишни режалаштирмоқда.
Фармацевтика саноатини ривожлантириш агентлиги Хитойнинг Youdi Biotech компанияси билан Тошкентдаги Pharma Park кластерида дори-дармон ишлаб чиқарувчи завод қуришга келишиб олди. Лойиҳа 40 млн долларга баҳоланди.
"Ўзбек геология қидирув" компанияси ҳамда Россиянинг "Олтин Кон" қўшма корхонаси ўртасида қиймати 18 млн долларлик Кулжуктов тоғ массивини геологик ўрганиш тўғрисида битим имзоланди.
Шунингдек, шартномалар имзоланган йирик компаниялар рўйхатида Gezhouba Invest (Хитой), Cengiz Energy (Туркия), AL Bawani Company ва Sajco (SAP), Lasselsberger Group (Австрия), Dewan Cement (Покистон), Mareven Food (Вьетнам), Landesbank (Германия), Cadila Pharmaceuticals (Ҳиндистон) ҳам бор.
Маълум бўлишича, эришилган келишувларни ўз вақтида ва сифатли амалга ошириш мақсадида “йўл харитаси” ишлаб чиқилди. Унда ҳар бир лойиҳанинг ижрочилари ва амалга ошириш муддатлари белгилаб қўйилди.
Изоҳ (0)