Дунёдаги энг йирик суюлтирилган газ (LNG) харидори бўлган Япониянинг Jerа энергетика гуруҳи раҳбари Юкио Кани бу йил газ нархи ошиши хавфи борлигини маълум қилди. Бу ҳақда Bloomberg хабар бермоқда.
Бизнесменнинг фикрича, агарда келаётган қиш одатдагига қараганда совуқроқ бўлса, газ нархи кўтарилиши хавфи янада ортади.
Bloomberg агентлигига берган интервьюсида Юкио Кани Хитойда коронавирус чекловлари ва иссиқ қиш ёнилғига бўлган талабни камайтирганини, шу сабабли LNG спот нархлари йилдан йилга сезиларли даражада пасайганини айтди.
Шу билан бирга, жорий йилда Европада импортнинг ўсиши, Хитойда коронавирус чекловлари юмшатилгани ҳам газ нархига ўсишига жиддий таъсир қилади.
Маълумот учун, баҳор мавсумида Европада табиий газ нархининг пасайиши давом этмоқда.
Ўзбекистон 2023 йилнинг биринчи чорагида 152,9 млн долларлик газ импорт қилди.
Январь—март ойларидаги газ импорти 2022 йилнинг мос даврига нисбатан 2,6 баробарга кўпроқ бўлди. Биринчи чоракда амалга оширилган газ импортининг деярли ҳаммаси март ойига тўғри келган — 151,2 млн доллар.
Газ экспорти бўйича вазият умуман бошқача. Уч ойда 27,4 млн долларлик газ экспорт қилинган ва бу 2022 йилнинг илк чорагига нисбатан 70,6 фоизга камроқ.
Изоҳ (0)