2023 йилнинг январь—март ойларида Ўзбекистондаги иқтисодий фаолият турлари бўйича ўртача иш ҳақи миқдорлари маълум қилинди. Бу ҳақда Статистика агентлиги хабар берди.
Иқтисодий фаолият турлари бўйича ўртача ойлик иш ҳақининг энг баланд кўрсаткичи — молия ва суғурта соҳасига тўғри келади (11 млн сўм).
Ушбу фаолият тури бўйича молиявий хизматлар кўрсатиш ва суғурталаш бўйича ёрдамчи фаолиятда юқори кўрсаткич (16,2 млн сўм) қайд этилди.
Энг паст кўрсаткич эса суғурталаш ва нафақа таъминотидан ташқари молиявий хизматлар соҳасида (10,9 млн сўм) кузатилди.
Ахборот ва алоқа соҳасида ўртача ойлик иш ҳақи 9,3 млн сўмга тенг бўлган бўлса, ташиш ва сақлаш соҳасида бу қиймат 6,2 млн сўмни ташкил этади.
Соҳанинг асосий тармоқлари бўйича ўртача ойлик иш ҳақининг энг юқори кўрсаткичи компьютер дастурлаштириш, маслаҳат бериш ва бошқа ёрдамчи хизматларда (16,5 млн сўм), энг паст кўрсаткич эса ноширлик фаолиятида (7,5 млн сўм) кузатилди.
Саноат соҳасида ўртача ҳисобланган номинал иш ҳақи 5,1 млн сўмни ташкил қилиб, тўртинчи ўринни эгалламоқда.
Саноатнинг асосий тармоқлари бўйича ўртача ойлик иш ҳақининг энг юқори кўрсаткичи тоғ-кон саноати ва очиқ конларни ишлаш тармоғи (7,6 млн сўм), электр, газ, буғ билан таъминлаш ва ҳавони кондициялаш (6 млн сўм) ҳамда ишлаб чиқариш саноатида (4,9 млн сўм) кузатилди.
Қурилиш соҳасида бу маблағ 5,1 млн сўмга тенг ҳисобланган бўлса, савдода ўртача ҳисобланган иш ҳақи — 4,5 млн сўм.
Соҳалар бўйича таълим ва соғлиқни сақлаш тизимида энг кам ўртача ойлик иш ҳақи тўланади.
2023 йилнинг биринчи чорагида таълим соҳаси учун ўртача ойлик иш ҳақи — 2,9 млн сўм ҳисобланган.
Таълим соҳасининг асосий тармоқлари бўйича ўртача ойлик иш ҳақининг энг юқори кўрсаткичи олий таълимда (6,9 млн сўм), энг паст кўрсаткич эса мактабгача таълимда (1,6 млн сўм) кузатилди.
Соғлиқни сақлаш ва ижтимоий хизматлар кўрсатишда ўртача ойлик иш ҳақи 2,7 млн сўмга тенг деб белгиланган.
Ушбу соҳада ўртача ойлик иш ҳақининг энг юқори кўрсаткичи Тошкент шаҳри (3,3 млн сўм), Қорақалпоғистонда (3 млн сўм) ҳамда Хоразм вилоятида (3 млн сўм) кузатилди.
Изоҳ (2)
Suv xo'jaligini oyligi ham past nega yozilmagan
Oqituvchi maqomi togrisida qonun bir ovozdan maqullandi. Afsuski, bu qonun oqotuvchini maqomi kotaradigan bandni kormadim. Bir dengizchidan ahvollar qalay desa, chokayapmiz degan ekan. Men oqituvchi olaroq, faqat ishimizdan savob umid qilib qolaman. Ta'LIM tizimimiz oldinga siljishi uchun qabul qilingan qaror nomigagina qabul qilingan holos