Баъзи сабабларга кўра, мутлақо мос келмайдиган маҳсулотларнинг комбинацияси қандайдир фойда келтириши мумкин. Шунинг учун ижтимоий тармоқларда одамлар лимон билан қаҳва ичиш бўйича ижобий тажрибаларини фаол равишда баҳам кўрмоқда: унинг вазн камайтириши ва ҳуснбузарларни бартараф этишига кўпчилик ишонади. Аммо муаммо шундаки, бу маҳсулотлар биргаликда алоҳида истеъмол қилгандан кўра яхшироқ самара бермайди, деб ёзади Lifehacker.
Ортиқча вазн
Лимонли қаҳва вазн камайтириши ҳақида ҳеч қандай далил йўқ. Аслида калория танқислиги вазн йўқотишга ёрдам беради. Агар организм кунига кўпроқ энергия сарфласа. Қаҳва ва лимонли сув алоҳида-алоҳида ҳолда иштаҳани камайтиради, аммо биргаликда эмас. Албатта, улар биргаликда ичилса, бирор мўъжиза содир бўлмайди. Фақатгина бу билан метаболизм тезлигининг бироз ошиши ва кофеин таъсирида ортиқча суюқликни кўпроқ йўқотиш мумкин.
Диарея
Баъзиларнинг фикрига кўра, майдаланган қаҳва билан лимон бўлаги ичакни тинчлантиришнинг яхши усули ҳисобланади. Аслида эса таъсир аксинча. Чунки кофеин ичаклар фаолиятини рағбатлантиради ва шунинг учун ҳам диареяни кучайтиради.
Бош оғриғи
Кофеин баъзи оғриқ қолдирувчи воситалар таркибида бўлади, аммо кимдир учун бу, аксинча, мигренни келтириб чиқаради. Шундай қилиб, у ёрдам берадими ёки йўқми, ҳали аниқланмаган.
Тери саломатлиги
Қаҳва ҳам, лимон ҳам терининг ҳолатини яхшилаши мумкин: улар таркибида антиоксидантлар мавжуд ва коллаген ишлаб чиқаришни рағбатлантиради.
Иммунитет
Қаҳва ва лимон ҳам иммунитетни яхшилайдиган витамин ва антиоксидантларни ўз ичига олади. Аммо ичимлик қандайдир тарзда организмнинг микробларга қарши туриш қобилиятини жиддий равишда ошириши мумкинлигини тасдиқлайдиган тадқиқотлар йўқ. Камроқ касал бўлиш учун қўлларни шунчаки тез-тез ювиш лозим.
Лимонли қаҳва зарар етказиши мумкинми?
Агар кўп истеъмол қилинса, биргаликда бу маҳсулотлар организмга зарар етказиши мумкин. Чунки улар алоҳида ҳолатда ҳам меъёрдан оширилса, бир қанча хавф туғдириши мумкин. Ҳаддан ташқари кўп қаҳва босимни ошириши, жиғилдон қайнаши, асабийлашиш, ташвиш ёки уйқусизликка олиб келади. Шунинг учун кунига 4 стакандан кўпроқ ичмасликка ҳаракат қилиш лозим.
Лимон таркибидаги кислота тиш эмалига зарар етказади, тишларнинг парчаланишига ва жиғилдон қайнашига олиб келади. Шунинг учун ҳам лимонни оч қоринга истеъмол қилмаслик керак.
Изоҳ (0)