Лимон мевасининг хилма хил хусусиятлари ҳақида кўпчилик у ёки бу маълумотга эга. Аммо унинг пўстлоғи… у билан нимадир қилиш мумкинми? Биласизми, лимон пўстлоғи унинг сувига қараганда 10 баравар кўпроқ витамин, минерал ва толаларни ўз ичига олади. Бундай фойдали хусусиятлардан унумли фойдаланишнинг бир қанча усуллари бор.
Терини оқартириш учун
Лимон кислотаси оқартирувчи ва тозалаш хусусиятига эга. Қўл терисини оқартириш, тирсак ва товондаги дағал терини юмшатиш учун ишлатиб бўлинган лимон пўстлоғидан фойдаланинг.
Хушбўйлик учун
Лимон пўстлоғи, долчин таёқчалари ва бир нечта чиннигулларни идишга солиб, устидан сув қуйинг ва уларни 15-20 дақиқа қайнатиб олинг, қозон қопқоғини очинг. Уйингиз ҳеч қандай кимё воситаларисиз ёқимли хушбўй ҳидларга тўлади.
Доғлардан халос бўлиш учун
Лимон пўстлоғи ёрдамида сиз кофе идишини қайсар қора доғлардан тезда тозалай оласиз. Пўстлоқни идиш ичига солинг ва устига иссиқ сув қуйинг. Уни бир неча соатга қолдиринг, сўнгра идишларнинг ён томонларини тоза мато билан артиб олинг — доғлар изсиз йўқолади.
Тозалаш учун
Шиша идишни майдаланган лимон пўстлоғи ва истеъмол циркаси билан тўлдиринг. Идишни қопқоқ билан маҳкам ёпинг ва икки ҳафта давомида қоронғи жойда сақланг. Кейин инфузионни 1: 1 нисбатда сув билан аралаштиринг. Лимон циркаси — бу ўжар ёғ ва қаттиқлашиб қолган доғларида ажойиб таъсир кўрсатадиган ва соғлиқ учун мутлақо хавфсиз бўлган самарали ошхона тозалаш воситасидир.
Нохуш ҳидларга қарши курашиш учун
Агар музлатгичдан ёқимсиз ҳидлар пайдо бўлса, уни қайтадан ювиш вақти келди. Аммо агар вақт етарли бўлмаса, вақтинчалик ечимдан фойдаланинг — янги лимон пўстлоғини музлаткич жавонларига, яхшиси мевани бир неча бўлакларга бўлиб жойлаштириб чиқинг.
Микротўлқинли печни тозалаш учун
Микротўлқинли печга сув ва бир нечта лимон пўстлоғи солинган шиша идишни қўйинг. Жиҳозни тўлиқ қувват билан 5 дақиқа давомида ёқиб қўйинг. Шунда сув қайнайди ва печ камерасини буғ билан тўлдиради. Жиҳозни ўчиринг, яна 5-7 дақиқа кутинг, сўнгра микротўлқинли печнинг ички қисмини тоза нам мато билан артиб олинг.
Metaлл идишларни ярқиратиш учун
Ишлатиб бўлинган лимонни туз ёки содага ботириб, зангламайдиган пўлатдан ясалган қорайган идишларга суртинг. Лимон кислотаси металлни асл ранги ва ёрқинлигини қайтаради.
Қаттиқ қобиқни тозалаш учун
Чойнакнинг деворларидан қаттиқ сувдан қолган қобиқни осон кетказиш учун уни сув билан тўлдиринг ва ичига майда тўғралган лимон пўстлоғини солинг. Сувни 5 дақиқа қайнатиб олинг, сўнгра чойнак оловини ўчириб бир соатга қолдиринг. Чойнак деворларини шимгични ва идишларни ювиш воситаси билан артиб олинг ва яхшилаб ювинг.
Чумолилардан ҳимоя қилиш учун
Агар чумолилар уйингизга ўз уйидай бостириб келаверса, лимон ёрдамида улардан халос бўлишга ҳаракат қилинг — улар цитрус ҳидига чидай олмайдилар! Кичкина пўстлоқ бўлакларини эшиклар, деразалар ва чумолилар уйингизга кириши мумкин бўлган бошқа жойларга қўйиб чиқинг.
Лимон пўстлоғи ёрдамида сиз бошқа “чақирилмаган меҳмонларни” уйдан ҳайдашингиз мумкин — бурга ва суваракларни ҳам.
Дезинфекция учун
Ошхона тахтакачларини тозалашнинг энг осон усули — уларни лимон пўстлоғи билан ишқалаб, бир неча дақиқага қолдиринг ва кейин тоза сув билан ювиб ташланг.
Шакарни сақлаш учун
Жигарранг шакар бир-бирига ёпишиб қолмаслиги учун ичига лимон пўстлоғини солинг. Лекин биринчи навбатда, пўстлоқ ичидаги барча пулпани олиб ташланг ва печда бир оз қуритинг.
Танани тозалаш учун
Ярим стакан шакар ва майда тўғралган лимон пўстлоғини аралаштиринг. Аралашмани зайтун мойи билан паста консистенсиясигача суюлтиринг. Скрабни нам терига қўлланг, массаж ҳаракатлари билан мулойимлик билан ишқаланг ва сув билан ювиб ташланг.
Тирноқларни оқартириш учун
Тирноқларингиздаги ёмон сариқ тирноқ изларини олиб ташлаш учун уларни лимон пўстлоғи билан ишқаланг.
Қирғични тозалаш учун
Агар қирғични ўз вақтида ювмаган бўлсангиз ва унга озиқ-овқат қолдиқлари ёпишиб қуриб қолган бўлса, лимон пўстлоғининг юмшоқ томони билан сиртини ишқалаб, уларни олиб ташлашга ҳаракат қилинг.
Мавзуга доир:
Изоҳ (0)