Ширях — Афғонистондаги энг машҳур анъанавий музқаймоқлардан бири бўлиб, мамлакатнинг турли вилоятларида табиий сигир сути ва мевалардан тайёрланади ва ўзига хос таъмга эга. “Дарё”нинг Афғонистондаги мухбири ушбу музқаймоқни тайёрлайдиган сотувчилар ва унинг харидорлари билан суҳбатлашди.
Мозори Шарифда ширях музқаймоқларини тайёрлайдиган Ҳожи Абдул Раҳим исми сотувчининг музқаймоқхонаси бир неча йилдан бери ишлайди ва мижозлари кўп. Афғонистоннинг турли вилоятларидан одамлар Мозори Шарифга ширях ейишга келади.
Ёз кунларида бозорнинг анъанавий музқаймоқ сотиладиган қисми жуда гавжум бўлади ва айрим музқаймоқ дўконлари кечаю кундуз ишлайди. Музқаймоқлар нархи 1 доллардан 15 долларгача.
Афғонистон шаҳарлари орасида Мозори Шариф ширяхи халқ орасида алоҳида севиб истеъмол қилинади, шу сабабли Мозори Шарифга саёҳат қилган ҳар бир кишига ундан еб кўриш тавсия этилади.
“Дарё” мухбири билан гаплашган икки киши ушбу музқаймоқдан ейиш учун Кобул шаҳри ва Фарёб вилоятидан келганини айтди.
Аввалроқ Афғонистон бозорларидаги меваларнинг нарх-наволари ҳақида маълумот берилганди.
Изоҳ (0)