Балх вилояти Афғонистон шимолидаги муҳим ва серҳосил вилоятлардан бири бўлиб, Ўзбекистоннинг Сурхондарё вилояти билан чегарадош. Маркази Мозори Шариф шаҳри бўлган Балх вилояти Афғонистоннинг 9 та вилоятини мева билан таъминлайди.
“Дарё”нинг Афғонистондаги мухбири вилоятда мева савдоси қай даражадалигини яқиндан билиш учун савдогарлар билан суҳбатлашди.
.jpg)
Мозори Шариф шаҳридаги мева сотувчилари бу йил Балх вилоятининг барча туманларида мевали дарахтларнинг ҳосилдорлиги ошгани ва бу ҳўл меваларнинг бир қисми ҳатто қўшни вилоятларга ҳам экспорт қилинишини айтди.
“Бу йил олма, гилос, ўрик, қулупнайнинг ҳосилдорлиги ўтган йилларга нисбатан сезиларли даражада ошди”, — дейди мева сотувчиси Тамим Бек.
Унинг айтишича, авваллари Балх вилояти ўзига зарур бўлган мева ва қишлоқ хўжалиги маҳсулотларини Ўзбекистон, Эрон, Покистондан импорт қилган. Эндиликда ички эҳтиёжни қондириш билан бирга, бошқа вилоятларга ҳам барча турдаги маҳсулотлар етказиб берилмоқда.
Мева сотувчилари меваларнинг нархи арзонлашган бўлса ҳам, одамларнинг бир килограмм мевани 1 ёки 2 долларга сотиб олишга қурби етмай қолганини айтмоқда. Уларга кўра, ўн киши нарх сўрайди, аммо бир киши сотиб олади.
Мозори Шарифда меваларнинг нархи (1 килограмм ўлчовида) қуйидагича.
- Олма 1,15 доллар;
- Киви 1,38 доллар;
- Ўрик 1,15 доллар;
- Apelsin 1,73 доллар;
- Банан 1,73 доллар;
- Тарвуз 0,35 доллар;
- Қулупнай 1,5 доллар;
Мозори Шарифдаги мева дўконларида эса бир килограмм анор 2,31 доллардан сотилмоқда ва бу меваларнинг нархи ҳар куни ўзгариб бормоқда.
.jpg)
Изоҳ (0)