Афғонистонда автомобилларнинг сотув нархи 50 фоизга арзонлашди. “Дарё”нинг Афғонистондаги мухбири Мозори Шарифдаги айрим автосалонлардан автомашиналарнинг савдоси ҳақида маълумот олди.
Республикада автомобиль савдоси аввалгидек яхши эмас. Машина сотувчилари автомобиллар нархи 50 фоизга арзонлашганига қарамай, одамлар аввалгидек машина сотиб олишга қизиқмаётганини айтмоқда.
Авваллари ўн минг доллар бўлган машиналар энди беш минг долларга сотилмоқда. Автомобильларнинг аввалги ва ҳозирги нархлари қуйидагича:
- Toyota Corolla (2007 йил ишлаб чиқарилган) илгари 10 минг долларга сотилаётган бўлса, ҳозир 5 ва 6 минг долларгача;
- Toyota Corolla (2003 йил) аввал 8 минг доллар, ҳозир 4 минг доллар;
- Mercedes-Benz 2006 аввал 12 минг доллар, ҳозир 5 минг доллар;
- Prado 2010 аввал 18 минг доллар, ҳозир 10 минг доллар;
Булар Афғонистон бозорларига етказиб берилаётган Япония, Канада, Америка ва Германияда ишлаб чиқилган автомобиллардир. Мозори Шарифдаги автомобиль сотувчиларидан бири Фардиннинг айтишича, унинг энг арзон машинаси 2 минг доллар, энг қиммати эса 40 минг доллар туради.
Одамлар кўпроқ сотиб олишга қизиқадиган машиналар эса 3 минг доллардан 5 минг долларгача баҳоланади.
Изоҳ (0)