Украина мудофаа вазири Алексей Резников мамлакат Ғарб давлатларидан ҳаво ҳужумидан мудофаа тизимларини олишни жуда хоҳлашини айтди. Бу ҳақда у “РБК-Украина”га берган интервьюсида маълум қилди.
Резников Украина нашрларидан бирига интервью бериб, осмон хавфсизлиги “мамлакатнинг омон қолиши” гарови эканини билдирди. У мамлакат Совет Иттифоқида ишлаб чиқарилган ҳаво ҳужумидан мудофаа тизимлари билан қуролланганини эслатди. Бироқ улар учун ракета заҳиралари тугаганини қайд этди. Шунинг учун Киев Ғарбдан янгиланган тизимни кутмоқда.
“Бизда Совет тизими мавжуд, бироқ улар учун ракета захиралари тугамоқда. Агар улар Украинада ишлаб чиқарилмаса, унинг ўрнини бошқа нарса билан тўлдириш керак. Нима билан? Ғарб ҳаво ҳужумидан мудофаа тизимлари билан”, — деди у.
Украина мудофаа вазири мамлакатга қандай ҳаво ҳужумидан мудофаа тизимлари кераклиги ҳақидаги масала “аллақачон принципиал жиҳатдан ҳал этилган”ини айтди.
“Ҳаво ҳужумидан мудофаа биринчи даражали устувор вазифа бўлиб қолади, чунки бу бутун мамлакат бўйлаб хавфсизлик гаровидир”, — дейди Резников.
Украина ҳаво ҳудуди устидан назоратни йўқотиши мумкин
Украина ҳарбийлари мамлакат ҳаво ҳудуди устидан назоратни йўқотиш хавфи остида. Украинада ҳаво ҳужумига қарши ўқ-дорилар шунчалик камлиги келтирилдики, бу келаси ойнинг бошида Украинанинг ҳаво назоратини йўқотишига олиб келиши мумкин.
Россия аллақачон Украинага ҳаво ҳужумидан мудофаа воситаларини етказиб беришнинг қисқаришига эътибор қаратган. Украиналик ҳарбийлар Россия авиатехникаларини тўхтата олмаслигидан хавотирланган.
Изоҳ (0)