Ukraina harbiylari mamlakat havo hududi ustidan nazoratni yo‘qotish xavfi ostida. G‘arb qo‘shimcha qurol so‘roviga javob bermasa, bunday ssenariy yuzaga kelishi mumkin. Bu haqda The Times xabar berdi.
“Biz Rossiya aviatsiyasiga qarshi tankga qarshi raketalardan foydalandik, bu esa ularning vertolyotlarni bizning hududimizga yuborishini to‘xtatishiga sabab bo‘ldi, chunki ular aviatexnikalari urib tushirilishidan qo‘rqdi.
Ammo endi ruslar o‘q-dorilarimiz tugashini bilganidan so‘ng, hududimizga vertolyotlarni yuborishni tezlashtiradi. Kun sayin ko‘proq vertolyot va samolyotlar paydo bo‘lmoqda, ular aviatexnikalarini to‘xtata olmasligimizni tushuna boshladi”, — deydi ukrainalik harbiylar The Times nashriga.
Internetda tarqalgan Pentagonning o‘ta maxfiy hujjatlari Ukraina armiyasining zaif tomonlarini oshkor qildi. Unda Ukrainada havo hujumiga qarshi o‘q-dorilar shunchalik kamligi keltirildiki, bu kelasi oyning boshida Ukrainaning havo nazoratini yo‘qotishiga olib kelishi mumkin.
Bu Svatovodan Kremennayagacha bo‘lgan chiziqni ushlab turgan askarlar uchun ajablanarli emas, u yerda rus qo‘shinlari sentyabrda Xarkovning katta qismidan chekinganidan beri har kuni oldinga siljishga intilardi. O‘sha paytda Kremlning e’tibori boshqa narsaga: Xersondagi janubiy front va ikki tomondan minglab askarlar halok bo‘lgan “go‘sht maydalagich” Baxmut shahriga qaratilgandi.
Rossiya allaqachon Ukrainaga havo hujumidan mudofaa vositalarini yetkazib berishning qisqarishiga e’tibor qaratgan. Ukrainaning fuqarolik infratuzilmasini yo‘q qilish bo‘yicha qishki kampaniya muvaffaqiyatli bo‘lmagan bo‘lishi mumkin, biroq u shaharlar va muhim inshootlar ustida havo mudofaa vositalariga diqqatni jalb qilishga olib keldi.
Shu bilan birga, Rossiya o‘zining FAB-500 bombasini takomillashtirdi, uni qanotlar va GPS tizimi bilan ta’minladi, bu esa uni jangovar samolyotdan tushirish va o‘z-o‘zidan ko‘zlangan maqsadga erishish imkonini beradi.
O‘z navbatida, bunday samolyot hech qachon Ukraina hududiga kirmagan va bu uning yo‘q qilinishidan xavfi borligini anglatadi. Aynan shu Su-34 samolyotidan tashlab yuborilgan bomba Rossiyaning Belgorod shahriga tasodifiy zarba berib, kamida uch kishini jarohatlagan. Tahlilchilar bu kabi hodisalarning ko‘payishini Rossiya harbiy parvozlari sonining keskin oshgani bilan bog‘lamoqda.
Ukrainaning yaqinlashib kelayotgan harbiy rejasi quruqlikdagi kuchlarning havo hududinini qanday himoya qilishdan iborat. Ittifoqchilar F-16 samolyotlari bo‘yicha Ukrainaning so‘roviga hali javob bermadi.
Izoh (0)