Тошкент вилояти ИИББ Тезкор-қидирув хизмати ва ДХХ ходимлари томонидан қарз эвазига берилган пуллардан фоиз сифатида 1000 АҚШ долларини товламачилик йўли билан талаб қилган жиноий гуруҳ қўлга олинди. Бу ҳақда ИИВ матбуот хизмати хабар қилди.
Маълум бўлишича, Оққўрғон туманида яшовчи фуқаро 2022 йил март ойида олдиндан таниши бўлган, Император лақаби билан танилган фуқародан 2023 йил апрель ойида қайтариш шарти 3800 АҚШ доллар қарз олган.
У олган пулидан 3600 АҚШ долларни қайтариб, қолган 200 АҚШ долларини қайтараётганида, унга муддатини ўтказиб юборганини сабаб қилиб, “кўча ечими билан ҳал этиш” билан қўрқитган ва бу пулга яна 1000 доллар қўшиб беришни талаб қилган.
Чорасиз қолган қарздор Ички ишлар органларига мурожаат қилиб, ушбу шахсларга нисбатан қонуний чора кўришни сўраган.
17 апрель куни Тошкент вилояти ИИББ ТҚХ ва ДХХ ходимлари билан ҳамкорликда ўтказилган тезкор-қидирув тадбирлари натижасида муқаддам 6 маротаба судланган жиноий гуруҳ етакчиси ва унинг 6 нафар аъзолари пулларни олаётган вақтда қўлга олинган.
Изоҳ (0)