Фарғонада йигитларни жинсий алоқага таклиф қилиб, товламачилик қилиб келган гуруҳ ушланди. Бу ҳақда Ички ишлар вазирлиги ахборот хизмати хабар берди.
Маълум бўлишича, қиз ўз қармоғига илинтирган йигитларни жинсий алоқа қилиш учун келишилган хонага олиб кирган. Унинг ниқобланган, ўткир тиғли буюмлар билан қуролланган жиноий шериклари эса тўсатдан хонадонга кириб, ушбу шахсларга тегишли 3 дона телефон ва 700 минг сўм миқдордаги пулларни босқинчилик йўли билан олиб, яланғоч ҳолатда видеотасвирга туширган.
Шундан сўнг товламачилар улардан 5 миллион сўм пул талаб қилиб, акс ҳолда улар бошқариб келган машинани бермаслигини айтган. Жабрланувчилар ёнида сўралган миқдордаги пул йўқлигини билдириб, кейин топиб беришга ваъда берган. Жиноий гуруҳ машинани қайтариб бериб, йигитларнинг мол-мулкларини олиб қолган.
4 апрель куни Фарғона вилояти Ички ишлар бошқармаси тезкор-қидирув департаменти ходимлари томонидан тезкор тадбир ўтказилиб, жиноий гуруҳ ашёвий далиллар билан қўлга олинган. Ҳозирда ушбу ҳолат юзасидан Жиноят кодексининг 165-моддаси 3-қисми “а” банди билан жиноят иши қўзғатилиб, қамоққа олиш тартибида эҳтиёт чораси қўлланган.
Изоҳ (0)