Жиззах вилоятида ўз таниши бўлган, 2001 йилда туғилган қизни Дубайга икки миллион сўмга сотиб юбораётган аёл ушланди. Бу ҳақда вилоят ИИБ ахборот хизмати хабар берди.
Хабарга кўра, ҳолат ДХХ Жиззах вилоят бошқармаси ҳамда вилоят ИИБ ходимлари ҳамкорлигида ўтказилган тезкор тадбирда аниқланган. 1989 йил Бахмал туманида туғилган, айни вақтда Жиззах шаҳри “Маданият” маҳалласида вақтинча ижарада яшовчи аёл ушбу жиноятни содир этган.
У 2001 йил Шароф Рашидов туманида туғилган қизни БААнинг Дубай шаҳрига юбориш учун шартли харидорга икки миллион сўмга сотаётган вақтида умумий овқатланиш шохобчаларининг бирида ходимлар томонидан қўлга олинди.
Изоҳ (0)