Қашқадарё вилояти Қарши шаҳрида ўқитувчилардан пора талаб қилгани айтилган директор лавозимига қайта тикланди. Вилоят мактабгача ва мактаб таълими бошқармаси ҳолат юзасидан тушунтириш берди.
Унга кўра, Қашқадарё вилояти мактабгача ва мактаб таълими бошқарма бошлиғи, бошқарма ва бўлимнинг масъуллари ҳамда тегишли мутасаддилар иштирокида Олий суд Фуқаролик ишлари бўйича судлов ҳайъатининг тегишли ажрими юзасидан мактаб директорини ишга тикланиш буйруғини таништириш жараёни амалга оширилган.
Маълум қилинишича, К.Г. (мактаб директори) фуқаролик ишлари бўйича судлов ҳайъатининг 23 февралдаги ажрими ҳамда Меҳнат кодексининг 111-моддасига асосан Қарши шаҳар 24-умумий ўрта таълим мактаб директори лавозимига тикланган.
Ижтимоий тармоқларда мазкур ҳолат кўплаб муҳокамаларга сабаб бўлган. Ушбу мактаб ўқитувчилари унинг устидан шикоят қилиб, мурожаат йўллаган эди. Улар ўз мурожаатида директор пора талаб қилаётганини айтганди.
Изоҳ (0)