Президент администрацияси раҳбарининг ўринбосари Комил Алламжонов, шўба мудири Саида Мирзиёева ва мактабгача ва мактаб таълими вазири Ҳилола Умарова UNICEF’нинг Ўзбекистондаги ваколатхонаси раҳбари Мунир Мамадзаде ва халқаро ташкилотлар экспертлари билан учрашув ўтказди.
Учрашувда Ўзбекистонда сифатли мактаб таълимидан фойдаланиш имкониятларини кенгайтириш ва барча болалар, жумладан, ижтимоий ҳимояга муҳтож болалар учун тенг имкониятларни таъминлаш бўйича UNICEF ва UNESCO’нинг қўшма лойиҳаси муҳокама қилинди.
Халқаро ташкилотлар таълим соҳасини ривожлантириш бўйича илмий тадқиқотлар олиб боради ва мавжуд бешта муаммоли йўналиш бўйича вазиятни яхшилаш стратегиясини ишлаб чиқади. Жумладан, мактаб инфратузилмасини модернизасия қилиш, инклюзив ўқув-услубий материаллари ишлаб чиқиш ва тақдим этиш ҳамда ўқитувчиларнинг малакасини ошириш кўзда тутилган.
“Мактабгача ва мактаб таълими вазирлиги ва халқаро ташкилотлар билан биргаликда катта тадқиқот ўтказилди. Мавжуд муаммоларга аниқ диагноз қўйиб, унинг ечими бўйича аниқ стратегия ва молиялаштириш манбалари белгиланганди.
Барча халқаро ташкилотлар — UNICEF, UNESCО, USAID ва Жаҳон банкига Ўзбекистон таълим тизимига бефарқ бўлмагани учун миннатдорлик билдирамиз. Умид қиламанки, биз ҳамкорликда албатта, сифатли таълим тизимини яратишга муваффақ бўламиз”, — деб ёзади Комил Алламжонов.
Изоҳ (0)