Қиз сабабли жанжал: Россияда Ўзбекистон фуқароси билан муштлашган эркак ҳалок бўлди

Россияда 31 ёшли Ўзбекистон фуқароси эҳтиётсизлик оқибатида ўлимга олиб келган қасддан баданга оғир шикаст етказишда айбланди. Бу ҳақда Ички ишлар вазирлигининг Санкт Петербург ва Ленобласт бош бошқармасига таяниб “Фонтанка” хабар берди.

Маълум қилинишича, 25 апрель куни кечқурун Свердлов қишлоғида икки эркак муштлашган. Муштлашувдан сўнг улардан бири қочиб кетган, иккинчиси эса ерда қимирламай ётган. Воқеа жойига етиб келган шифокорлар эркак ўлганини аниқлаган. Полиция марҳум Тверь вилоятининг 45 ёшли фуқароси эканини маълум қилган. Уни ўнг чаккасидан жароҳат олган ҳолда топишган.

Тергов ҳодисани эҳтиётсизлик оқибатида ўлимга олиб келган қасддан баданга оғир шикаст етказиш деб баҳолаган. Гумонланувчи кейинчалик шу қишлоқда қўлга олинган. У расман иш билан таъминланмаган 31 ёшли Ўзбекистон фуқароси экани маълум бўлган.

“Дастлабки маълумотларга кўра, ҳодисага қиз туфайли келиб чиққан жанжал сабаб бўлган”, дея хабар берди Ички ишлар вазирлигининг Санкт Петербург ва Лено област бош бошқармаси