Андижон вилоятида Република қўмиталарининг бирида фаолият юритадиган шахснинг пичоқлангани ҳақида хабар берилган эди. Мазкур ҳолатга нима сабаб бўлгани очиқланди.
Андижон вилояти Хонобод туманида ҳокимият ходими пичоқлангани ҳақида хабарлар тарқалганди. Кейинчалик Бош прокуратура пичоқланган шахс ҳокимият ходими эмас, у республикадаги қўмиталарнинг бирида фаолият юритишини маълум қилганди. Тергов жараёни ва шахсга ташқи таъсир бўлмаслиги учун унинг аниқ иш жойи очиқланмаган.
Маълум қилинишича, 15 апрель куни йўл қатнов қисмида ўз машинасида ҳаракатланиб бораётган ҳайдовчилар бир-бирига йўл бермасдан тортишиб кетган. Атрофдагилар аралашуви билан улар муросага келтирилган. Орадан бир неча соат вақт ўтгач, улар бир-бирини телефон орқали топган ва учрашган.
Шундан сўнг улар ўртасида жанжал келиб чиққан. 29 ёшли шахс ўзидан 6 ёш катта фуқаронинг қорин қисмига бир неча маротаба пичоқ уриб, воқеа жойидан қочиб кетган. Жабрланувчи оғир аҳволда ўз оёғи билан яқин масофада жойлашган тиббиёт муассасасига келган. Ҳозирда аҳволи оғир стабил.
Изоҳ (0)