Фарғона вилояти Бувайда туманида ҳеч қандай ҳужжатларсиз 200 кг дан зиёд гўштни олиб кетаётган ҳайдовчи ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департаментнинг Бувайда туман бўлими томонидан ИИБ ҳамда Ветеринария ва чорвачиликни ривожлантириш бўлими ходимлари билан ҳамкорликда ўтказилган тезкор тадбирда аниқланган.
“Додҳо” МФЙ ҳудудида Х.А.нинг бошқарувидаги Nexia тўхтатиб, кўздан кечирилганда, ушбу автомашина юкхонасида ҳеч қандай ҳужжатларсиз жами 206 килограмм истеъмолчиларнинг ҳаёти ва соғлиғи хавфсизлиги талабларига жавоб бермайдиган қорамол гўшти борлиги маълум бўлган. У маҳсулотларни Қўқон шаҳрида ўтказиш мақсадида олиб кетаётгани аниқланиб, ашёвий далил сифатида олинган.
Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)