Рамазон ҳайити муносабати билан Тошкентдан Хива ва Самарқандга қўшимча поездлар қатнови йўлга қўйилди

Рамазон ҳайити муносабати билан Тошкентдан Хива ва Самарқандга қўшимча поезд қатновлари йўлга қўйилди. Бу ҳақда “Ўзтемирйўлйўловчи” АЖ матбуот хизмати хабар берди.

Тошкент—Хива—Тошкент йўналишида қўшимча 2 рейсга қатновлар қуйидаги жадвал асосида ҳаракатланади.

20, 22 апрель кунлари 156-сонли Тошкент—Хива йўналиши:

Тошкент 15:39 — Хива 6:58

21, 23 апрель кунлари 155-сонли Хива—Тошкент йўналиши:

Хива 8:28 — Тошкент 00:30

Шунингдек, 21 апрель кунидан 24 апрель кунигача 767/768-сонли Самарқанд—Тошкент—Самарқанд “Афросиёб” электропоезди йўналишида қўшимча 4 та рейс ҳаракати йўлга қўйилади.

Ушбу йўловчи поезддаги барча чипталар эркин савдога чиқарилган. Поезд қуйидаги жадвал асосида ҳаракатланади:

767-сонли Самарқанд—Тошкент йўналиши:

Самарқанд 11:09 — Тошкент 13:19

768-сонли Тошкент—Самарқанд йўналиши:

Тошкент 13:40 — Самарқанд 15:48

Қўшимча маълумотни Тошкент шаҳридаги 1005 қисқа телефон рақами, жойлардаги темирйўл чиптахоналари ҳамда маълумотлар бюросидан билиб олиш мумкин.

Ўзбекистон мусулмонлари идораси мамлакатда Рамазон ҳайити 21 апрель, жума кунига тўғри келиши ҳақида қарор қабул қилди. Тошкент шаҳри масжидларида Рамазон ҳайити намози ўқилиши муносабати билан махсус автобус йўналишлари ташкил этилмоқда, шунингдек, Рамазон ҳайити кунларида Тошкент метрополитени иш жадвали ўзгаради.

Рамазон ҳайити муносабати билан дам олиш кунлари

Ўзбекистон президенти Шавкат Мирзиёев Рамазон ҳайитини нишонлаш тўғрисидаги қарорни имзолади. Аҳолининг Рамазон ҳайити байрамини муносиб кутиб олиши ва юксак савияда ўтказиши учун қулай шарт-шароит яратиш мақсадида 24 апрель (душанба) куни иш ҳафтасининг туридан қатъий назар барча ходимлар учун қўшимча дам олиш куни сифатида белгиланди. Шу тариқа:

• 21 апрель, жума — Ҳайит байрами;
• 22 апрель, шанба — 6 кунлик иш ҳафтасидаги ходимлар учун қўшимча дам олиш куни;
• 23 апрель, якшанба — одатдаги дам олиш куни;
• 24 апрель, душанба — барча учун дам олиш куни бўлади (яъни ушбу кун ҳисобидан ҳафтасига 5 кун ишловчи ходимлар бошқа куни ишлаб бериши шарт бўлмайди, улар учун 29 апрель, шанба куни ҳам дам олиш куни бўлади).