Ўзбекистонда Рамазон ҳайити намозини ўқиш вақтлари маълум қилинди

Ўзбекистон мусулмонлари идораси мамлакат бўйлаб Рамазон ҳайити намозини ўқиш вақтлари ҳақида маълумот берди.

Қайд этилишича, 21 апрель, жума куни Рамазон ҳайити намози Тошкент вақти билан соат 06:00 да, бошқа вилоятларда намоз вақтидаги тафовутни инобатга олиб ўқилади.

Рамазон ҳайити намозини вилоятларда ўқиладиган вақтлари:

• Андижон вилояти 05:50;
• Бухоро вилояти 06:20;
• Жиззах вилояти 06:10;
• Навоий вилояти 06:20;
• Наманган вилояти 05:50;
• Самарқанд вилояти 06:20;
• Сирдарё вилояти 06:00;
• Сурхондарё вилояти 06:15;
• Тошкент вилояти 06:00;
• Фарғона вилояти 05:50;
• Хоразм вилояти 06:30;
• Қашқадарё вилояти 06:20;
• Қорақалпоғистон Республикаси 06:40.

Ўзбекистон мусулмонлари идораси мамлакатда Рамазон ҳайити 21 апрель, жума кунига тўғри келиши ҳақида қарор қабул қилди. Тошкент шаҳри масжидларида Рамазон ҳайити намози ўқилиши муносабати билан махсус автобус йўналишлари ташкил этилмоқда, шунингдек, Рамазон ҳайити кунларида Тошкент метрополитени иш жадвали ўзгаради.