Эрон армияси 200 та ҳар хил турдаги дронлар билан кучайтирилди. Бу ҳақда Akharin Khabar хабар берди.
.jpg)
Авиатехникалар орасида Эронда ишлаб чиқарилган кўп функцияли, разведка, шунингдек, зарба берувчи дронлар бор. Эрон мудофаа вазири Амир Хотамий армияга дронларни топшириш маросимида иштирок этди.
У тадбирда сўзга чиқиб, разведка платформаси сифатида хизматга кирган дронлар чегаралар яқинида эҳтимолий душманнинг барча ҳаракатларини кузатиб бориши, керак бўлганда эса зарба бериш учун турли ўқ-дорилар билан жиҳозланиши мумкинлигини айтди.
Унинг сўзларига кўра, Каррар ва Абабил каби дронлар 14 км гача баландликка кўтарилиш ва 1500 км гача бўлган масофада жанговар вазифаларни бажаришга қодир.
АҚШ Эрон дронларини ишлаб чиқариш учун электрон компонентлар сотиб олишга ёрдам берадиган жисмоний ва юридик шахсларга нисбатан санкцияларни давом эттирмоқда.
IRNA агентлигининг 19 апрель куни хабар беришича, олти компания ва бир киши Эронга қурол ва дрон ишлаб чиқариш учун зарур бўлган электроника сотиб олишга ёрдам бергани учун АҚШ санкциялари остида қолган.
18 апрель куни Эрон президенти Иброҳим Раисий АҚШ аскарларини Яқин Шарқни тарк этишга чақирганди. У хорижий кучларнинг мавжудлиги минтақа хавфсизлигига таҳдид солиши, аммо Эрон Қуролли кучлари қаерда бўлмасин, хавфсизликни таъминлашини таъкидлаган.
Бундан ташқари, Иброҳим Раисий Исроилнинг Эронга қарши ҳар қандай ҳарбий ҳаракати Тель-Авив ва Ҳайфа шаҳарларини “вайрон қилиш”га олиб келишидан огоҳлантирганди.
Изоҳ (0)