Хитойда компания ходими 365 кунлик ҳақ тўланадиган таътил ютуғини қўлга киритди, деб ёзмоқда Аsia One.
ОАВ хабарларига кўра, соврин компания томонидан ҳар йили ўтказиладиган кечки овқат базмида ўйналган. Фирманинг юқори лавозимда ишловчи ходими ўйин ғолибига айланган. Аввалига у омадига ишонмаган ва ўйин ташкилотчисидан бир неча марта натижани текшириб кўришни сўраган. Компания раҳбарияти ходим билан таътилга чиқиши ёки бунинг ўрнига нақд пул олишни хоҳлаши масаласини муҳокама қилади.
Ғолиб ҳақидаги хабарлар ижтимоий тармоқ фойдаланувчиларининг ҳавасини уйғотди. Кўпчилик бу компанияда бўш иш ўринлари бор-йўқлигига қизиқмоқда. Бироқ айримлар ходим бир йилга таътилга чиқса, унинг ўрнига бошқа одам олинишидан хавотирда. Эркакнинг ўзи ҳали режаларини ошкор қилгани йўқ.
Аввал АҚШда Powerball лотерея чиптасини сотиб олган омадли кишига жекпот чиққан ва у 2,04 миллиард доллар ютиб олган эди. Бу тарихдаги энг йирик лотерея ютуғи. Аммо ғолиб миллиардерлар сафига кира олмайди. Чунки АҚШда лотерея ютуғи — солиққа тортиладиган даромад. Солиқлардан кейин пулнинг қанчаси ғолибга тегиши ҳисоблаб чиқилган.
Изоҳ (0)