Франция президенти Эммануэл Макрон Россия ва Украинани музокараларга олиб келиши мумкин бўлган режани Хитойга тақдим этади. Бу ҳақда Bloomberg хабар берди.
Макрон ўзининг ташқи сиёсат бўйича маслаҳатчиси Эммануэл Боннга юқори мартабали хитойлик дипломат Ван I билан келажакдаги музокаралар учун асос бўлиши мумкин бўлган тузилма яратиш устида ишлашни топширган.
Франция стратегиясига кўра, агар ҳаммаси яхши кечса, Россия ва Украина ўртасидаги музокаралар 2023 йилнинг ёзида бўлиб ўтади.
Bloomberg’га кўра, ҳар қандай келажакдаги музокаралар бир қанча шартларга боғлиқ бўлади, жумладан, Украинанинг муваффақиятли қарши ҳужуми Киевни ҳар қандай музокаралар давомида кучли позиция эгаллашига ҳисса қўшади
Макроннинг Хитойга ташрифи
Франция президенти Эммануэл Макрон апрель ойи бошида Хитойга расмий ташриф буюрди. Ташрифнинг асосий мавзуси Россия-Украина урушини тартибга солиш бўйича музокаралар бўлди.
Макрон Хитой етакчиси Си Цзиньпинни Владимир Зеленский билан телефон орқали мулоқот қилишга кўндирди. 15 апрель куни Украина президенти Владимир Зеленский ва Франция президенти Эммануэл Макрон деярли бир ярим соатлик телефон орқали мулоқот қилди.
Изоҳ (0)