“Чиноз нефтни қайта ишлаш заводи” устав капиталидаги давлат улушини хусусийлаштириш жараёнининг мажбуриятга эга бўлган таклифларни (BО) қабул қилиш муддати узайтирилди.
Давлат активларини бошқариш агентлиги жорий йил 7 мартдаги “Чиноз нефтни қайта ишлаш заводи” устав капиталидаги 100 фоиз давлат улушини сотиб олиш бўйича танлов эълон қилганди.
Давактив агентлиги савдо жараёнларида иштирок этаётган салоҳиятли талабгорларнинг сўровига мувофиқ мажбуриятга эга бўлган таклифларни қабул қилиш босқичи 1 ойга узайтирилганини маълум қилди.
Mosaic Financial компанияси ушбу битим юзасидан Агентликнинг хусусийлаштириш бўйича маслаҳатчиси сифатида жалб қилинган.
Заводни хусусийлаштириш жараёни 2022 йилнинг августида бошланган эди.
Завод ҳақида маълумот
“Чиноз нефтни қайта ишлаш заводи” – асосий вазифаси нефтни қайта ишлаб бензин, керосин, мазут, дизел ёқилғиси ва мойларга айлантиришни ташкил этишдан иборат.
Ушбу саноат корхонаси йилига 117 минг тоннадан зиёд углеводород хом ашёсини қайта ишлаш имконини берувчи замонавий технологик ускуналар билан жиҳозланган.
Корхона “Чиноз нефтни қайта ишлаш заводи” савдо белгиси остида фаолият юритади.
Корхона 2016 йил 11 август куни фаолиятини бошлаган. Устав фонди – 102 млрд сўмни ташкил этади.
Изоҳ (0)