Бухоро туманида қўшмачилик қилиб, фуқародан 500 минг сўм пул олган шахс ушланди, деб хабар беради Бухоро вилояти ИИБ ахборот хизмати.
Қайд этилишича, 30 март куни соат 15:30 ларда вилоят Ички ишлар бошқармаси ходимлари томонидан “Бухоро шаҳар ҳудудида фоҳишахона сақлаш борасидаги ҳолатлар олдини олиш ва унга қарши кураш” тадбири ўтказилган. Тадбир давомида Бухоро тумани “Урганжихона” қишлоғида яшовчи 35 ёшли Р.Ҳ. “мижоз” сифатида борган эркакка жинсий алоқа қилиши учун моддий А.Д. исмли аёлни топиб бериб, бунинг эвазига ундан 500 минг сўм нақд пул олиб, қўшмачилик жиноятини содир этгани аниқланган.
Маълум бўлишича, ушбу шахс муқаддам Жиноят кодексининг 135-моддаси (одам савдоси) 2-қисми билан судланган.
Ҳолат юзасидан ушбу рецидив аёлга нисбатан Жиноят кодексининг 131-моддаси (қўшмачилик қилиш ёки фоҳишахона сақлаш) 4-қисми билан жиноят иши қўзғатилиб, дастлабки тергов ҳаракатлари олиб борилмоқда.
Бухоро шаҳрида 1 апрель куни 900 минг сўмга фоҳишахона ташкил қилган аёл ушлангани тўғрисида хабар берилганди. Шунингдек, март охирларида Ғиждувон туманида қўшмачилик қилиб, фуқаролардан 60 минг сўм олган шахс қўлга олинган эди.
Изоҳ (0)