Тошкент—Ўш автомобиль йўлида содир бўлган йўл-транспорт ҳодисасида юк машинаси бутунлай ёниб кетди, деб хабар беради ФВВ матбуот хизмати.
![](/static/2023/04/Fozilbek/photo_2023-04-15_09-46-51.jpg)
Қайд этилишича, 15 апрель соат 02:48 да Тошкен—Ўш автомабил йўлининг 225-километрида, “Қўшминор” МФЙ ҳудудида ҳаракатланиб кетаётган Бухоро вилояти Шофиркон туманида яшовчи фуқаро бошқарувида бўлган DAF русумли юк машинаси бошқарувни йўқотган. Натижада юк машинаси автомобиль йўлининг ўрта темир тўсиғига урилиб, йўл-транспорт ҳодисаси содир этган ва машинада ёнғин келиб чиқган. Ёнғин оқибатида автомашина ва юкхона тўлиқ ёниб зарарланган.
![](/static/2023/04/Fozilbek/photo_2023-04-15_09-46-52.jpg)
![](/static/2023/04/Fozilbek/photo_2023-04-15_09-46-52 (2).jpg)
Ҳодиса оқибатида тан жароҳати олган ва ҳалок бўлганлар йўқ. Ёнғин Қамчиқ Фавқулодда вазиятлар бошқармаси Ёнғин қутқарув экипажлари томонидан соат 03:20 да тўлиқ ўчирилган.
![](/static/2023/04/Fozilbek/photo_2023-04-15_09-46-51 (2).jpg)
Бунга олдин Самарқандда ёнилғи сиғими 20 тонна бўлган юк машинаси ёниб кетгани, Андижонда йўл четида турган Nexia’да ёнғин чиққани, Қамчиқ довонида лак-бўёқ ортилган юк машинаси ёниб кетиши оқибатида бир неча киши жабрлангани тўғрисида хабар берилганди.