“Ўзгидромет” хабарига кўра, 14 апрель, жума куни республиканинг шимоли-ғарбий ҳудудларига Туркманистон орқали Каспий денгизидан салқин ва нам ҳаво массалари кириб келади.
Шанба куни салқин ва нам ҳаво массаларининг кириб келиши шарқ томонга қараб ҳаракатланади. Ўзбекистон бўйича баъзи жойларда ёмғир ёғади, момақалдироқ бўлади, айрим жойларда дўл ёғиши мумкин. Бухоро, Навоий, Қашқадарё вилоятларида фақат кечаси ва эрталаб момақалдироқли ёмғирлар сақланиб туради. Қорақалпоғистон Республикаси, Хоразм, Сурхондарё вилоятларида ёғингарчилик кузатилмайди. Кундузги ҳаво ҳарорати 20-25 даражагача пасаяди.
Якшанба куни республикада ёғингарчилик кутилмайди, фақат Тошкент вилояти ва Фарғона водийси вилоятларининг баъзи жойларида ёмғир ёғиши, момақалдироқ бўлиши мумкин. Ҳаво ҳарорати кечаси 10-15 даражани, кундузи 20-25 даражани ташкил этади. Шимолда ҳарорат пасайиб, кечаси 0-5 даража, кундузи 7-12 даража бўлади.
Республика бўйича баъзи жойларда шамол тезлиги 17-22 метр/секундгача кучайиши кутилмоқда, баъзида эса 25-28 метр/секундгача кучайиши мумкин.
Республиканинг тоғолди ва тоғли ҳудудларида вақти-вақти билан ёмғир ёғади, дам олиш кунлари баъзи жойларда қорга айланади. Сел-сув тошқини юзага келиши мумкин.
Тошкентда шанба куни вақти-вақти билан ёмғир ёғади, момақалдироқ бўлади, дўл ёғиши мумкин. Шарқий шамол йўналишини ўзгартириб, ғарбдан 5-10 метр/секунд тезликда эсиб, 12-17 метр/секундгача кучайиши мумкин. Якшанба куни кечга томон бироз ёмғир ёғади. Дам олиш кунлари ҳарорат кечалари 11-13 даражани ташкил этади, кундуз кунлари 21-23 даража атрофида бўлади.
Изоҳ (0)