Афғонистон шимоли-ғарбидаги Ҳирот вилоятида “Толибон” ҳаракати оилалар ва аёлларга боғлари ёки яшил ҳудудлари бўлган ресторанларга киришни тақиқлади. Бу ҳақда Times оf India хабар берди.
Исми ошкор этилмаган расмийнинг сўзларига кўра, бу чоралар диний уламолар ва жамоатчилик вакилларининг бундай жойларда жинслар аралашув ҳақидаги шикоятларидан кейин қабул қилинган. “Толибон” тақиққа жинсларнинг аралашиб кетгани ва аёлларнинг нотўғри ҳижоб ўраши сабабли эканини билдирди.
Ҳозирча очиқ ҳавода овқатланишни тақиқлаш фақат Ҳиротдаги муассасаларга тегишли. Мазкур тақиқ эркакларга нисбатан қўлланилмайди.
Бу “Толибон” томонидан 2021 йил августида ҳокимиятни қўлга киритганидан бери жорий қилинган чекловлар қаторидаги энг сўнггисидир. Бунгача афғонистонлик аёлларнинг БМТ идораларида ишлаши, эркакларга аёллар учун кийим тикиш, аёлларнинг эркак шифокорларга бориши, тўйхоналар фаолияти, аёлларнинг университет ва мактабда таълим олиши, аёлларнинг шифохонага ёлғиз бориши ва уларнинг истироҳат боғига ташриф буюриши тақиқлаган.
Изоҳ (0)