Қамчиқ довонида нефть маҳсулоти ортилган махсус юк машинаси ағдарилиб кетди

Қамчиқ довонида 21 март куни нефть маҳсулоти ортилган махсус юк машинаси ағдарилиб кетди. Бу ҳақда ФВВ матбуот хизмати хабар берди.

Маълум қилинишича, ҳолат А-373 автомобиль йўлининг 198-километрида юз берган. “Қамчиқавтойўл” хабарига кўра, Тошкент—водий йўналишида нефть ташувчи махсус юк машинаси бошқарувни йўқотиб, йўл ўртасидаги тўсиққа урилиши натижасида ағдарилган. 

Оқибатда машинадаги нефть тўкилган. Ёнғин содир бўлмаган.

Зудлик билан воқеа жойига ФВВнинг 3 та махсус техникаси етиб бориб, ЙПХ ходимлари ҳамкорлигида ҳодиса оқибатларини бартараф этиш чоралари кўрилган.