Қашқадарё вилоятида Cobalt ва Spark автомобиллари тўқнашиши оқибатида ёнғин содир бўлди. Бу ҳақда “Дарё”га воқеа гувоҳларидан бири хабар берди.
Маълум қилинишича, ҳолат бугун, 10 апрель тонги соат 05:00 лар атрофида Қарши-Чироқчи йўлида содир бўлган.
“Бизга маълум бўлишича, бир ҳайдовчи ухлаб қолган, иккинчиси эса катта тезликда келган. Воқеа жойига тез ёрдам етиб келганида портлаш содир бўлди”, — дейди воқеа гувоҳи бўлган манба.
Қўшимча қилинишича, ЙТҲ оқибатида Spark ҳайдовчиси вафот этган.
“Воқеа жойига етиб келган тез ёрдам тирик қолган Cobalt ҳайдовчисига ёрдам берган. Айни пайтда ҳайдовчининг аҳволи қандай, йўловчилари бўлганми, буниси бизга қоронғи”, — дейди манба.
Изоҳ (0)