Қамчиқда ҳаракатланаётган юк машинаси ёниб кетди

Қамчиқ довонида 23 март куни Iveko русумли юк машинаси кабинасида ёнғин содир бўлди.

Маълум бўлишича, соат 16:55 да “Қамчиқ” махсус қидирув ёнғин-қутқарув бошқармасига хабар келиб тушган.

Унда қайд этилишича, водий—Тошкент йўналиши бўйича ҳаракатланган калава ип ортилган юк машинаси кабинасида ёнғин содир бўлган.

Зудлик билан айтилган манзилга 2 та ёнғин-қутқарув экипажи етиб бориб, ёнғин бартараф этилган. Ҳодиса оқибатида тан жароҳати олган ва ҳалок бўлганлар йўқ.