Эрон президенти Иброҳим Раисий 9 апрель куни мусулмон етакчилари билан бир қатор музокаралар ўтказди ва “Фаластинни озод қилиш учун Исроилга қарши фронт яратиш”га чақирди. Бу ҳақда Ynet хабар берди.
Исроилдаги кескинликлар ва Ал-Ақсодаги воқеалар фонида Иброҳим Раисий Сурия, Жазоир ва Туркманистон етакчилари билан Исроилга нисбатан мусулмонлар бирлигининг аҳамияти ҳақида гапирди. Эрон раҳбари Эрдўғон билан ҳам гаплашгани, у ҳам “Исроилнинг Фаластинликларга қарши тажовузи қаршисида мусулмон дунёсининг бирлиги” муҳимлигини таъкидлаганини айтди.
9 апрель куни Сурия президенти Башар ал-Асад ва Раисий ўртасида телефон мулоқоти бўлиб ўтди. Охирги кунларда Эрон муқаддас жойдаги воқеалар ва Фаластин майдонидаги кескинлик туфайли Ислом ҳамкорлик ташкилотининг фавқулодда йиғилишини чақиришга уринди. Асад ва Раисий ўртасидаги суҳбатда сўнгги воқеалар, шунингдек, икки давлат муносабатларига оид бошқа масалалар муҳокама қилинган.
Изоҳ (0)