Украина қуролли кучлари Қрим билан маъмурий чегарада бўлганда ёки Красноперекопскка кирганда Россияга яриморолни озод қилиш тўғрисида таклиф билан чиқиши мумкин. Бу ҳақда Зеленскийнинг Қримдаги доимий вакили Тамила Ташева маълумот берди.
Украина ҳукумати Россия армиясига яриморолни қандай тарк этиши ҳақида гапиришни таклиф қилиши мумкин.
“Келинг келишамиз, Қримдан қандай чиқиб кетишингиз ҳақида гаплашайлик. Сиз барибир бу ердан кетасиз, чунки биз аллақачон таъминот занжирларингизни узмоқдамиз, сизни бурчакка ҳайдадик. Ҳар қандай урушлар барибир қандайдир музокаралар жараёни билан тугайди”, — деди у.
Ташеванинг қўшимча қилишича, агар душман бунга интилмаса, Киев ҳарбий йўл билан ҳудудни озод этишда давом этади. У ҳозир бу бўйича музокара олиб борилаётганини айтди, бироқ қарши ҳужумда қурбонларни камайтириш йўли ҳам кўриб чиқилаётганини қўшимча қилди.
Эслатиб ўтамиз, аввалроқ Бразилия президенти Лула да Сильва журналистлар билан учрашувда Россия президенти Украинани эгаллаб ололмаслигини ва, эҳтимол, “Қримни муҳокама қилиш арзирли” эканини айтганди.
У бу фикрни Хитой етакчиси Си Цзиньпин билан ҳам муҳокама қилмоқчилигини билдирган ва бу муваффақиятли эканига ишонч билдирган. Бразилия президенти Зеленскийнинг “истакларини бажариш” мумкин эмаслигини ҳам қўшимча қилган.
Шундан кейин Украина Қримни Россияга бериш таклифига муносабат билдирган. Хусусан, Украина Ташқи ишлар вазирлиги Украина ҳудудини савдолашмаслигини қайд этган. “Украина ерининг камида бир сантиметри” учун имтиёзлар беришда ҳуқуқий, сиёсий ва маънавий сабаблар йўқлиги таъкидланган.
Изоҳ (0)