Истеъфодаги америкалик генерал Марк Гертлинг Украина қуролли кучларинининг қарши ҳужуми бўйича ўз режасини таклиф қилди. Бу ҳақда Voice of Americа хабар берди.
Гертлинг шу тариқа украиналик генералларга маслаҳат берди. У бу ёндашув АҚШ томонидан муваффақиятли қўлланилгани, улар Иккинчи Жаҳон уруши пайтида баъзи вазиятларда тунда ҳаракатланишга ўргатилган махсус кучларни яратганини айтди.
Хаос яратиш
Гертлинг Украина армиясининг тунда кўриш қобилияти Россияникига қараганда кўпроқ эканини айтди. Шу сабабли, у Украина Қуролли кучларига фронт чизиғидан орқада қолиш ва Россия армиясида тартибсизликларни келтириб чиқариши мумкин бўлган универсал тунги кўриш қобилиятини ўзлаштириш йўлини излашни маслаҳат берди.
“Менда қаерга ҳужум қилиш яхшироқ эканини прогноз қилиш учун аниқ разведка маълумотлари йўқ. Лекин Зеленскийнинг стратегик мақсади ҳудудларни қайтариш ва Россияга бирорта ҳам ҳудудни бермасликдир”, — деди у.
Генерал Залужний фаолияти
Гертлингнинг сўзларига кўра, Украина армияси генерали ҳозирда бошқа юқори мартабали ҳарбий амалдорларга нисбатан “оддий жангда” кўпроқ муаммоларга эга. Бу, биринчи навбатда, Украинага мутлақо янги ҳарбий техника етказиб бериш, бу билан боғлиқ бўлган таъминот занжири, НАТО мамлакатларидаги ҳарбий тайёргарлик, шунингдек, разведка маълумотларини тўплаш билан боғлиқ.
Гертлинг Украина генерали Валерий Залужний ўз лавозимига келгунга қадар Осетия, Днестр ўлкаси, Қрим, Донбасс, Абхазия ва Тоғли Қорабоғ ҳақида мунтазам равишда разведка маълумотларини олганини айтди.
Путин манфаатлари
Гертлингнинг сўзларига кўра, Россия президенти Владимир Путин узлуксиз тўқнашувлардан манфаатдор, шу муносабат билан генерал барча демократик кучлар ва ҳукуматларни вазиятни диққат билан кузатишга чақирди.
“Бу адоласиз уруш. Агар унга тинчлик шартномаси кўринишида эгаллаган ҳудудларни сақлаб қолишга рухсат берилса, менимча, бу келажакда муаммоларни келтириб чиқаради”, — дея таъкидлади собиқ генерал.
У Украинадаги уруш қачон тугаши мумкинлиги ҳақидаги саволга эса аниқ прогноз бера олмади.
Изоҳ (0)