Россия Хавфсизлик Кенгаши раҳбари ўринбосари Дмитрий Медведев “VKонтакте”да Украина Ер юзидан йўқ бўлиб кетишини айтди.
Медведевнинг ёзишича, Украина “ҳеч кимга керак эмаслиги” сабабли йўқ бўлиб кетади. Сиёсатчи Европага Украина керак эмаслиги, чунки ҳозирги вазият “европаликларга ҳақиқий молиявий ва сиёсий дўзахни олиб келгани”ни айтди. У Евроиттифоқида инфляция ошгани, коммунал тўловлар кўтарилганига ишора қилди. Медведев украиналик қочқинларни қўллаб-қувватлаш “Европанинг таназзулдан қашшоқлашган шоҳларининг якуний таназзулига олиб келишини” айтди.
Шунингдек, Хавфсизлик Кенгаши раиси ўринбосари америкалик солиқ тўловчилар расмийлардан нега АҚШдаги инфляция, иш ўринлари ва бошқалар билан шуғулланмай, Украинага маблағ юбораётганини сўрашини таъкидлади.
“Оддий америкаликлар Украина нима эканини ва у қаерда жойлашганини умуман тушунмайди. Уларнинг аксарияти харитада уни кўрсатмайди. Нега Россиянинг қайсидир ноаниқ қисми учун улар бундай ноқулайликларга чидаши керак? Эртами-кечми улар бу ҳақда сўрайди”, — деди Медведев.
Хавфсизлик Кенгаши раиси ўринбосарининг таъкидлашича, Украина “сунъий равишда кесилган”, ХХ асрда “тасодифан рад қилинган” ҳудуд. У ерда миллионлаб “ватандошлар” истиқомат қилади, Россия эса “махсус операция доирасида уларни ҳимоя қилади”.
“Аммо Россиянинг 1991 йил чегараларидаги Украина деб аталган қисмлари СССР парчаланиши натижасида юзага келган тушунмовчиликдир. Шунинг учун бизга Буюк Россия керак”, — дея қўшимча қилди у.
Медведев фуқароларнинг ўзи Украинага муҳтож эмаслигини, 45 миллион аҳолидан 20 миллионга яқини мамлакатда қолганини таъкидлади.
“Мамлакатда қолган одамлар тинч ва яхши овқатлантирадиган жой бўлса, боришга тайёр. Украина фуқаролари ‘бир гуруҳ ўғри фашист масхарабозлари ўз оффшор ҳисобларида ўғирланган Ғарб пулларини тўплаши’ учун уйларини тарк этишга, хавотирда яшашга мажбур. Нима учун оддий украиналикларга бу керак? Бундай Украина сайёрамизда ҳеч кимга керак эмас. Шунинг учун бундай бўлмайди”, — дея хулоса қилган у.
Изоҳ (0)