Интернетда тарқалган Пентагоннинг махфий ҳужжатларига кўра, АҚШ разведкаси Россиянинг “Вагнер” компанияси февраль ойи бошида воситачилар орқали Туркиядан Украинадаги уруш учун қурол сотиб олишга уринаётганини билган. Бу воситачилар Африкадаги Мали давлати бўлиши керак эди, деб ёзади Washington Post.
Maxфий ҳужжатларга кўра, Россиянинг “Вагнер” вакиллари НАТО аъзоси бўлган Туркияга қурол-яроғ ва техника сотиб олиш бўйича келишиб олиш учун ташриф буюрган. Ҳужжатларда “вагнерчилар” февралда туркиялик алоқадор шахслар билан воситачилар орқали қурол сотиб олиш масаласини муҳокама қилиш учун учрашувлар ўтказгани келтирилган. Африканинг Мали давлати ана шундай воситачиларга айланиши керак эди. Ушбу мамлакат президенти вазифасини бажарувчи Ассими Гоита Мали “Вагнер” номидан Туркияда қурол сотиб олиши мумкинлигини тасдиқлаган.
Maxфий ҳужжатларда Туркия ҳукумати бу музокаралар хабардор бўлгани ва бу муваффақиятли ўтган-ўтмагани ҳақида аниқ маълумот берилмаган. Туркия ҳукумати вакили бунга изоҳ беришдан бош тортган, Малининг АҚШдаги элчихонаси эса тушунтириш сўровига жавоб бермаган.
Шунингдек, АҚШ разведка ҳужжатларида “Вагнер”нинг россиялик асирларни Украинадаги урушга жалб қилиш режалари ҳақида сўз боради ва Россий Қуролли кучлари “Вагнер”га қарам бўлиб қолгани таъкидланади.
“Пентагоннинг мазкур махфий ҳужжатлари АҚШ разведкаси Россия армиясига чуқур кириб борганини ва Украинани ҳужумлар ҳақида олдиндан огоҳлантириши ҳамда Россия Қуролли кучларининг кучли ва заиф томонларини ишончли баҳолай олишини кўрсатади”, — дейилади хабарда.
Эслатиб ўтамиз, 7 апрель куни Пентагоннинг Украина Қуролли Кучларининг бўлажак қарши ҳужуми билан боғлиқ махфий ҳужжатлари интернетда сизиб чиққани ҳақида маълумот пайдо бўлган. Мазкур маълумотни Американинг The New York Times нашри эълон қилган.
Изоҳ (0)