Тошкентдаги Ихтисослаштирилган юқумли касалликлар шифохонаси вақтинчалик Зангиота туманига кўчирилгани ва бу ходимларга ноқулайлик туғдираётгани тўғрисида хабар берилганди. “Тошшаҳартрансхизмат”нинг маълум қилишича, 7 апрелдан Зангиота юқумлик касалликлар шифохонасигача қатновчи автобус йўналиши ташкил этилган.
Қайд этилишича, 7 апрель кунидан бошлаб, 154-сонли Зангиота юқумли касалликлар шифохонаси—Олчазор маҳалласи янги автобус йўналиши ҳаракати ташкил этилмоқда.
Йўналиш ҳаракати “Зангиота юқумли касалликлар шифохонаси” бекатидан 4П21 3-ҳалқа йўли, Қипчоқ, М.Турсунзода, Шокирариқ кўчалари орқали “Олчазор” маҳалласига қадар, иш тартиби соат 06:00 дан 21:30 гача этиб белгиланган.
Мазкур йўналишда хизмат кўрсатиш ҳуқуқи жамиятнинг “4-Автобус саройи” филиалига бириктирилиб, йўналишда кичик сиғимли Isuzu русумли автобуслар ҳаракатланиши белгиланган.
Аввалроқ Тошкентда яна 20 та катта сиғимли MAN автобуслари йўловчиларни ташишни бошлаши, Тошкентда тўртта автобус йўналишига ўзгартириш киритилгани, жамоат транспортида мослашувчан тариф режалари апрелдан жорий этилиши тўғрисида хабар берилганди.
Изоҳ (0)