ИИВ ҳузуридаги Тергов департаменти Самақандда фуқароларни АҚШга жўнатишини айтиб, пул олган яна бир кишига жиноят иши қўзғатилганини маълум қилди.
Қайд этилишича, 2023 йил 28 март куни Самарқанд шаҳрида яшовчи 37 ёшли Р.И. ариза билан мурожаат қилиб, 2019 йилнинг сентябрида таниши — 39 ёшли Х.А. фуқароларни АҚШга юбориш билан шуғулланишини, укасини ҳам АҚШга юборишини айтиб ишонтириб, 4,5 минг доллар пулларини қўлга киритганини, лекин берган ваъдасини бажариш учун ишлатмай, ўзи эҳтиёжи учун ишлатиб юборганни баён этган.
Олиб борилган терговга қадар текширув ҳаракатлари натижасида Х.А. аввал ҳам бу турдаги жиноятларни содир этгани учун судлангани ва у айни вақтда жазо муддатини ўтаб келаётгани аниқланган.
Мазкур ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Жиноят кодекснинг 168-моддаси 3-қисми “б” банди (бир гуруҳ шахслар билан олдиндан тил бириктириб содир этилган фирибгарлик) билан жиноят иши қўзғатилган.
Ҳозирда тергов ҳаракатлари олиб борилмоқда.
Изоҳ (0)