SARS-CoV-2 вирусининг янги вариантлари Пахловид дорисига чидамлилигини кўрсатди, шунинг учун вирусга қарши ушбу препарат COVID-19 ни даволашда самарали бўлмаслиги мумкин. Бу ҳақда Science Advances журналида чоп этилган тадқиқот натижаларида айтилади.
Тадқиқотни АҚШ ва Австриянинг бир қанча олимлари олиб боришган. Улар дунёда коронавируснинг дори-дармонларга чидамли вариантлари пайдо бўлганини аниқлади. Мутацияларнинг бир тўплами Пахловидъдаги вирусга қарши фаол моддага, иккинчиси эса Хоcова дориси таркибидаги моддага қаршилик кўрсатган.
Олимлар SARS-CoV-2 препаратидаги битта аминокислотани алмаштириш унинг самарадорлигини пасайтириши мумкин, деган хулосага келишди. Шу билан бирга, коронавирус вариантлари иккала дори моддаларига бир вақтнинг ўзида қаршилик кўрсатмайди, шунинг учун дорилардан бири ҳали ҳам самарали бўлиб қолмоқда.
Пахловид — Америка фармацевтика компанияси Pfizer томонидан ишлаб чиқарилган дори. COVID-19 билан касалланган беморларни даволаш учун, биринчи навбатда, хавф остида бўлган одамларни даволашга мўлжалланган. Хоcова — Япониянинг Хоккайдо университети ва Шионоги компанияси томонидан ишлаб чиқилган дори бўлиб, у COVID-19 ташхиси қўйилган одамларни даволашга мўлжалланган. Япониядан ташқари бошқа мамлакатларда препаратни қўллаш ҳали тасдиқланмаган.
Изоҳ (0)