SARS-CoV-2 virusining yangi variantlari Paxlovid dorisiga chidamliligini ko‘rsatdi, shuning uchun virusga qarshi ushbu preparat COVID-19 ni davolashda samarali bo‘lmasligi mumkin. Bu haqda Science Advances jurnalida chop etilgan tadqiqot natijalarida aytiladi.
Tadqiqotni AQSH va Avstriyaning bir qancha olimlari olib borishgan. Ular dunyoda koronavirusning dori-darmonlarga chidamli variantlari paydo bo‘lganini aniqladi. Mutatsiyalarning bir to‘plami Paxlovid’dagi virusga qarshi faol moddaga, ikkinchisi esa Xocova dorisi tarkibidagi moddaga qarshilik ko‘rsatgan.
Olimlar SARS-CoV-2 preparatidagi bitta aminokislotani almashtirish uning samaradorligini pasaytirishi mumkin, degan xulosaga kelishdi. Shu bilan birga, koronavirus variantlari ikkala dori moddalariga bir vaqtning o‘zida qarshilik ko'rsatmaydi, shuning uchun dorilardan biri hali ham samarali bo‘lib qolmoqda.
Paxlovid — Amerika farmatsevtika kompaniyasi Pfizer tomonidan ishlab chiqarilgan dori. COVID-19 bilan kasallangan bemorlarni davolash uchun, birinchi navbatda, xavf ostida bo‘lgan odamlarni davolashga mo‘ljallangan. Xocova — Yaponiyaning Xokkaydo universiteti va Shionogi kompaniyasi tomonidan ishlab chiqilgan dori bo‘lib, u COVID-19 tashxisi qo‘yilgan odamlarni davolashga mo‘ljallangan. Yaponiyadan tashqari boshqa mamlakatlarda preparatni qo‘llash hali tasdiqlanmagan.
Izoh (0)