Солиқ қўмитаси томонидан Тошкент шаҳрида фойда солиғи бўнак тўловлари ҳисобидан бюджетга ундирилган ортиқча маблағларни қайтариш чоралари кўрилмоқда.
Зудлик билан амалга оширилган тадбирлар натижасида 28 март куни соат 15:00 га қадар 367 та корхона бўйича ортиқча ундирилган 28,5 млрд сўмлик фойда солиғи бўнак тўловларидан 352 та корхонага 27,1 млрд сўм қайтарилиши таъминланди. Яна қолган 1,4 млрд сўмлик маблағлар ҳам қайтарилиши таъминланади.
ДСҚ томонидан тезкор ўрганилиб, камчиликларга йўл қўйгани учун Солиқ қўмитаси масъул назорат департаменти бошлиғи Б.Муқимов ва Тошкент шаҳар бўлим бошлиғи О.Лутфуллаев эгаллаган лавозимидан озод этилган.
Шунингдек, Тошкент шаҳар солиқ бошқармаси бошлиғи Ю.Насимжонов ва бошқарма бошлиғининг биринчи ўринбосари Ж.Мирпўлатовнинг махсус унвонлари бир поғонага пасайтирилиб, интизомий жазо чораси белгиланган. Солиқ қўмитаси солиқ тўловчиларга хизмат кўрсатиш департаменти бошлиғи Х.Базаровга нисбатан эса ҳайфсан интизомий жазо чораси тайинланган.
Изоҳ (0)