Тошкент шаҳар Янгиҳаёт туманида спортчи эркак ўз хотини ва боласини аёвсиз калтаклагани ҳақида хабар берилган эди. Мазкур ҳолат бўйича янги тафсилотлар очиқланди.
Ушбу оила яшаган маҳалла раисининг сўзларига кўра, улар мазкур маҳаллага 3 йил аввал кўчиб келган. Уч йил давомида кўп маротаба оилада жанжал бўлган. 5-6 маротаба ҳимоя ордери ҳам берилган. Бироқ аёл кўп маротаба аризасини қайтариб олган. Шунингдек, эр-хотин бир-бирини яхши кўриши ва жанжаллар асосан рашк сабаб келиб чиқиши айтилган. Маҳалла раисининг маълум қилишича, эркак ўғлини “тренировка” вақтида яхши машқ қилмагани сабабли урган.
Мазкур ҳолат юзасидан Янгиҳаёт тумани ИИО ФМБ Тергов бўлими томонидан Ўзбекистон Республикаси Жиноят кодексининг 109-моддаси (қасддан баданга енгил шикаст етказиш) ва 110-моддаси (қийнаш) билан жиноят иши қўзғатилган. Гумонланувчи процессуал тартибда ушланган. Ҳолат юзасидан тергов давом этмоқда.
Изоҳ (1)
Shunchalar g'urursiz ayol bo'ladimiya, shunga loyiq bu g'urur bilan. Qayta qayta kaltak yeyish yoqadi shekilli bazi ayollarga