Бош териси пилинги: Фойдали ва зарарли жиҳатлари, қандай ҳолатда бу муолажани қилиб бўлмайди?

Сочингизни ювганингиздан бир неча соат ўтиб, унинг ювилмагандек кўриниши, ёғнинг кўп ишлаб чиқарилиши, қазғоқ пайдо бўлиши бутун дунё бўйлаб минглаб одамлар дуч келадиган муаммолар ҳисобланади. Бош терисини яхшилаб тозалаш учун ҳар доим шампундан фойдаланиш тўғри қарор бўлмайди, айниқса терида ёғ миқдори кўп бўлса бу бошқа муаммоларга ҳам сабаб бўлиши мумкин. Агар бош териси юз териси билан таққосланса, шампун ҳар куни тозалаш воситаси ҳисобланади, бироқ сиз ҳафтада бир марта яхшироқ самара берадиган маҳсулотдан фойдаланишингиз керак. Ушбу муаммони ҳал қилишда пилинг ва скраблар ёрдам беради.

Қазғоқ нима сабабдан пайдо бўлади?

Бош териси доимий равишда кўп миқдорда ёғ безлари ёғ ишлаб чиқарадиган жой ҳисобланади. Бундан ташқари, бош терисини тирик микробиал экотизим билан солиштириш мумкин, чунки бу ерда юз миллионлаб бактериялар, вируслар ва замбуруғлар яшайди.

Яқинда хитойлик олимлар тадқиқот ўтказиб, бошда қазғоқ пайдо бўлиши учун икки турдаги бактериялар — Propionibacterium ва Staphylococcus масъул эканини аниқлади. Агар бош терисида Propionibacterium  бактерияси устунлик қилса, тери соғлом бўлиши мумкин. Бироқ, стафилококклар сонининг кўпайиши билан қазғоқ пайдо бўлади.

Чуқур тозалаш нима?

Ҳар куни сочларимиз кўплаб зарарли экологик таъсирларга дуч келади. Уларда чанг, юқори ва паст ҳароратлар, шамол ва бошқалар тўпланади. Турмаклаш воситаларини мунтазам равишда ишлатиш теридаги ифлосланишнинг янада кучайишига сабаб бўлади. Вақти-вақти билан терида чуқур тозалаш жараёнини амалга оширмасангиз, унда ўлик ҳужайралар тўпланади, ёғнинг регуляцияси бузилади ва ёғ ишлаб чиқариш кўпаяди. Буларнинг барчаси янги соч толаларнинг ўсишига тўсқинлик қилади, ҳатто махсус балзамлар ва ниқоблардан фойдаланишга қарамай, соч рангининг хиралашиши, заифлиги ва синишига олиб келади. Бундан ташқари, турмаклаш воситаларидан кўп фойдаланиш ҳам қазғоқни пайдо қилади. 

Жаҳон соғлиқни сақлаш ташкилоти маълумотларига кўра, дунё аҳолисининг 70 фоиздан ортиғи вақти-вақти билан қазғоқ белгиларидан шикоят қилади. Бош терисининг тозаланиши аниқ косметик муаммо бўлишдан ташқари, соч тўкилишига ҳам олиб келиши мумкин.

Кўплаб трихологлар бош терисига кимёвий пилингни қўллаш нафақат эстетик муолажа, балки ушбу соҳадаги дерматологик муаммоларни даволашнинг самарали усули эканлигига қўшилади.

Пилинг қандай натижа беради?

Бош терисини пилинг қилишнинг асосий вазифаси чуқур тозалаш, ўлик тери зарраларини эксфолиация қилиш ҳисобланади. Бу ҳужайра метаболизмини фаоллаштиради ва тозалаш таъсиридан ташқари, пилингдан фойдаланиш метаболизмнинг фаоллашишига олиб келади. Гликолик кислотани қўллаш микроциркуляциянинг сезиларли яхшиланишига бевосита ҳисса қўшади, бу Реавиз тиббиёт университети олимлари томонидан 2016 йилда чоп этилган илмий мақолада исботланган.

Пилинг таркибидаги кислоталар қандай фойда беради?

• Салицил кислотаси ёғ безларини нормализация қилади;
• Лимон кислотаси ва C витамини қон айланишини рағбатлантиради, соч ўсишига таъсир кўрсатади;
• Лактик кислота яллиғланишга қарши таъсирга эга.

Қандай ҳолатларда пилингдан фойдаланиш мумкин эмас?

Бош терисини пилинг қилиш яхши таъсир кўрсатади, бироқ уни қўллашда баъзи чекловлар ҳам мавжуд. Биринчидан, агар маҳсулот таркибий қисмларига аллергик реакция бўлса, муолажа амалга оширилмаслиги керак. Дерматологик касалликлар, масалан, дерматит ёки экзема (ўткир босқичда), терининг яхлитлигини бузиши, яра ёки куйишлар, мўлжалланган қўллаш жойида яллиғланиш реакцияси — буларнинг барчаси контрендикацияга ишора қилади.