Sochingizni yuvganingizdan bir necha soat o‘tib, uning yuvilmagandek ko‘rinishi, yog‘ning ko‘p ishlab chiqarilishi, qazg‘oq paydo bo‘lishi butun dunyo bo‘ylab minglab odamlar duch keladigan muammolar hisoblanadi. Bosh terisini yaxshilab tozalash uchun har doim shampundan foydalanish to‘g‘ri qaror bo‘lmaydi, ayniqsa terida yog‘ miqdori ko‘p bo‘lsa bu boshqa muammolarga ham sabab bo‘lishi mumkin. Agar bosh terisi yuz terisi bilan taqqoslansa, shampun har kuni tozalash vositasi hisoblanadi, biroq siz haftada bir marta yaxshiroq samara beradigan mahsulotdan foydalanishingiz kerak. Ushbu muammoni hal qilishda piling va skrablar yordam beradi.
.jpg)
Qazg‘oq nima sababdan paydo bo‘ladi?
Bosh terisi doimiy ravishda ko‘p miqdorda yog‘ bezlari yog‘ ishlab chiqaradigan joy hisoblanadi. Bundan tashqari, bosh terisini tirik mikrobial ekotizim bilan solishtirish mumkin, chunki bu yerda yuz millionlab bakteriyalar, viruslar va zamburug‘lar yashaydi.
Yaqinda xitoylik olimlar tadqiqot o‘tkazib, boshda qazg‘oq paydo bo‘lishi uchun ikki turdagi bakteriyalar — Propionibacterium va Staphylococcus mas’ul ekanini aniqladi. Agar bosh terisida Propionibacterium bakteriyasi ustunlik qilsa, teri sog‘lom bo‘lishi mumkin. Biroq, stafilokokklar sonining ko‘payishi bilan qazg‘oq paydo bo‘ladi.
Chuqur tozalash nima?
Har kuni sochlarimiz ko‘plab zararli ekologik ta’sirlarga duch keladi. Ularda chang, yuqori va past haroratlar, shamol va boshqalar to‘planadi. Turmaklash vositalarini muntazam ravishda ishlatish teridagi ifloslanishning yanada kuchayishiga sabab bo‘ladi. Vaqti-vaqti bilan terida chuqur tozalash jarayonini amalga oshirmasangiz, unda o‘lik hujayralar to‘planadi, yog‘ning regulyatsiyasi buziladi va yog‘ ishlab chiqarish ko‘payadi. Bularning barchasi yangi soch tolalarning o‘sishiga to‘sqinlik qiladi, hatto maxsus balzamlar va niqoblardan foydalanishga qaramay, soch rangining xiralashishi, zaifligi va sinishiga olib keladi. Bundan tashqari, turmaklash vositalaridan ko‘p foydalanish ham qazg‘oqni paydo qiladi.
Jahon sog‘liqni saqlash tashkiloti ma’lumotlariga ko‘ra, dunyo aholisining 70 foizdan ortig‘i vaqti-vaqti bilan qazg‘oq belgilaridan shikoyat qiladi. Bosh terisining tozalanishi aniq kosmetik muammo bo‘lishdan tashqari, soch to‘kilishiga ham olib kelishi mumkin.
Ko‘plab trixologlar bosh terisiga kimyoviy pilingni qo‘llash nafaqat estetik muolaja, balki ushbu sohadagi dermatologik muammolarni davolashning samarali usuli ekanligiga qo‘shiladi.
.jpg)
Piling qanday natija beradi?
Bosh terisini piling qilishning asosiy vazifasi chuqur tozalash, o‘lik teri zarralarini eksfoliatsiya qilish hisoblanadi. Bu hujayra metabolizmini faollashtiradi va tozalash ta’siridan tashqari, pilingdan foydalanish metabolizmning faollashishiga olib keladi. Glikolik kislotani qo‘llash mikrosirkulyatsiyaning sezilarli yaxshilanishiga bevosita hissa qo‘shadi, bu Reaviz tibbiyot universiteti olimlari tomonidan 2016-yilda chop etilgan ilmiy maqolada isbotlangan.
Piling tarkibidagi kislotalar qanday foyda beradi?
- Salitsil kislotasi yog‘ bezlarini normalizatsiya qiladi;
- Limon kislotasi va C vitamini qon aylanishini rag‘batlantiradi, soch o‘sishiga ta’sir ko‘rsatadi;
- Laktik kislota yallig‘lanishga qarshi ta’sirga ega.
Qanday holatlarda pilingdan foydalanish mumkin emas?
Bosh terisini piling qilish yaxshi ta’sir ko‘rsatadi, biroq uni qo‘llashda ba’zi cheklovlar ham mavjud. Birinchidan, agar mahsulot tarkibiy qismlariga allergik reaksiya bo‘lsa, muolaja amalga oshirilmasligi kerak. Dermatologik kasalliklar, masalan, dermatit yoki ekzema (o‘tkir bosqichda), terining yaxlitligini buzishi, yara yoki kuyishlar, mo‘ljallangan qo‘llash joyida yallig‘lanish reaksiyasi — bularning barchasi kontrendikatsiyaga ishora qiladi.
Izoh (0)