Сабзавотлар ва мол гўштидан хуштаъм салат тайёрлаймиз

Помидор, бодринг, булғор қалампири ва мол гўшти қўшиб тайёрланадиган салат нозик таъмни хуш кўрувчиларга жуда ёқади. Кўкатлар салатнинг таъмини янада мазали қилади.

Керакли масаллиқлар:

• лаҳм мол гўшти — 300–350 г
• бодринг — 2 дона
• булғор қалампири — 1 дона
• помидор — 2 дона
• қизил пиёз — яримта
• петрушка — таъбга кўра
• салат барги — 1 дона
• туз — таъбга кўра
• мурч — таъбга кўра
• ўсимлик ёғи — таъбга кўра
• соя соуси — таъбга кўра
• кунжут — 1 чой қошиқ

Тайёрланиши:

1. Мол гўштини тахминан 1 соат қайнатиб олинг. Шўрвани эса совутишга қўйинг.
2. Гўшт, бодринг ва булғор қалампирини сомонча шаклида, помидорни катта бўлакларга, пиёзни майда қилиб тўғраб олинг. Петрушка ва салат баргларини майдаланг.
3. Ҳамма маҳсулотни идишга солиб, туз ва мурч билан аралаштиринг. Устига зайтун ёғи, соя соусини солинг ва кунжут сепинг.

Ёқимли иштаҳа!