Пишлоқ қўшиб хуштаъм товуқли егулик тайёрлаймиз

Қизартирилган товуқ сонларидан тайёрланадиган егулик мазали бўлади, унга ўзингизга ёққан кўкатларни ва сабзавотларни қўшишингиз мумкин. 

Керакли масаллиқлар:

• товуқ сони — 6 дона
• туз — таъбга кўра
• мурч — таъбга кўра
• сариёғ — 5 ош қошиқ
• хантал — 3 ош қошиқ
• суюқ асал — 2 чой қошиқ
• саримсоқ кукуни — ярим чой қошиқ
• пармезан пишлоғи — 70 г
• майдаланган нон бўлаклари — 150 г
• ўсимлик ёғи — 1 ош қошиқ

Тайёрланиши: 

1. Товуқ сонларини ювиб олинг ва қоғоз сочиқ билан қуритинг. Унинг устига мурч ва туз солинг.
2. Эритилган сариёғни хантал, асал ва саримсоқ кукуни билан аралаштиринг.
3. Эзилган нон бўлаклари, туз ва мурч билан майдаланган пармезанни аралаштиринг.
4. Аввал ҳар бир сонни ёғ аралашмасига ботириб олинг, сўнгра эзилган нон бўлаклари билан аралаштиринг.
5. Товуқни ўсимлик ёғи суртилган қолипга солинг. Егуликни тахминан 45 дақиқа давомида 180 даража ҳароратда пиширинг.

Ёқимли иштаҳа!