Эзогелин — булгур, гуруч ва ясмиқ қўшиб тайёрланадиган туркча шўрва рецепти 

Гуруч ва ясмиқ қўшиб тайёрланадиган туркча шўрва мазали таъмга эга. Унга ўзингизга ёққан кўкатларни ҳам қўшишингиз мумкин. 

Керакли масаллиқлар:

• пиёз — 1 дона
• сариёғ — 1 ош қошиқ
• ўсимлик ёғи — 1 ош қошиқ
• ун — 1 чой қошиқ
• паприка — 1 чой қошиқ
• томат пастаси — 1 дона
• сув — 1400 мл
• қизил ясмиқ — бир стаканнинг тўртдан бир қисми
• булгур — бир стаканнинг тўртдан бир қисми
• гуруч — бир стаканнинг тўртдан бир қисми
• туз — таъбга кўра
• кўкатлар — таъбга кўра

Тайёрланиши:

1. Пиёзни майда қилиб тўғраб олинг.
2. Ўсимлик ёғини ва сариёғни ўртача оловда қиздириб олинг. Пиёзни юмшоқ ва енгил қизаргунга қадар қовуринг.
3. Пиёзга ун ва паприка сепинг, аралаштиринг ва яна 1-2 дақиқа пиширинг. Томат пастасини қўшинг ва 1 дақиқа қовуриб олинг.
4. Бошқа идишда сувни қайнатиб олинг. Қайнагандан кейин унга ясмиқ, булгур ва гуруч қўшинг. Маҳсулотларни 20 дақиқа давомида қайнатиб олинг. 
5. Шўрвага туз қўшинг ва дастурхонга тортишдан олдин унга кўкат солинг. 

Ёқимли иштаҳа!