Швейцариянинг Нён шаҳрида 17 март, жума куни Европа Чемпионлар Лигаси мусобақасининг 1/4 финал ва 1/2 босқичига қуръа ташланди.
“Ливерпуль”ни енгган “Реал” чорак финалда яна бир инглиз клубига қарши майдонга тушадиган бўлди. Бу сафар Лондоннинг “Челси” жамоаси мадридликларга рақиб бўлади. “Интер” эса “Бенфика”ни синовдан ўтказади. “Манчестер Сити”нинг рақиби “Бавария” бўлди.
1/4 финали қуръаси қуйидагича кўриниш олди:
- “Реал Мадрид” — “Челси”
- “Интер” — “Бенфика”
- “Манчестер Сити” — “Бавария”
- “Милан” — “Наполи”
Шунингдек, ярим финалга ҳам қуръа ташланди. Унга кўра, “Милан”—“Наполи” жуфтлиги ғолиби “Интер”—“Бенфика” ғолиби билан ўйнайди.
“Реал”—“Челси” жуфтлигидаги ғолиб бўлган жамоа эса “Манчестер Сити”—“Бавария” ўртасидаги ўйин ғолиби билан ярим финалда учрашади.
Чорак финалнинг дастлабки ўйинлари 11-12 апрель кунлари бўлиб ўтади, жавоб баҳслари эса 18-19 апрелга мўлжалланган. Ярим финал беллашувлари эса 9-10 май ва 16-17 майда ўтказилади. Финал 10 июнь куни ўтказилади.
Изоҳ (0)