Европа Лигаси. “Манчестер Юнайтед” ва “Ювентус” ғалаба қайд этган ҳолда чорак финалга чиқди. “Шахтёр” ўз дарвозасидан 7 та тўп олиб чиқди

Футбол бўйича Европа Лигасининг 1/8 финал жавоб баҳслари доирасидаги қатор ўйинлар 16 март, пайшанба куни бўлиб ўтди.

“Манчестер Юнайтед” сафарда “Бетис”га қарши баҳс олиб борди. Иккинчи бўлим бошида Маркус Рэшфорд томонидан киритилган тўп ўйинда ягоналигини сақлаб қолди. Дастлабки ўйинда ҳам инглиз клубининг қўли баланд келганди.

“Ювентус” ҳам ғалабани қўлга киритди. Душан Влаҳовичнинг пенальтидан урган голи ва Федерико Кьеза томонидан урилган гол Турин клубига кейинги босқич эшикларини очди.

Параллел ўйинларда “Фееноорд” ўзида “Шахтёр” дарвозасига 7 та гол урди. “Севилья” сафарда “Фенербаҳче”га ютқазган бўлса-да, дастлабки ўйиндаги ғалаба эвазига чорак финал йўлланмасини қўлга киритди.

Европа Лигаси

1/8 финал баҳслари

16 март, пайшанба

“Бетис” (Испания) – “Манчестер Юнайтед” (Англия) 0:1

Гол: 0:1 – 55 Рэшфорд.

“Бетис”: Руй Сильва, Сабали, Песселя, Эдгар Гонсалес, Абнер (Миранда, 26), Руибал (Каналес, 59), Хоакин (Иглесиас, 59), Вильям Карвалю, Родригес (Гуардадо, 66), Хуанми, Перес (Виллиан Жозе, 59).

“Манчестер Юнайтед”: Де Хеа, Уан-Биссака (Диогу Далот, 75), Магуайр, Мартинес (Линдельоф, 75), Маласиа, Каземиро, Фред (Забицер, 60), Бруну Фернандеш (Эланга, 68), Пелистри, Вегорст, Рэшфорд (Санчо, 60).

Огоҳлантириш: Пелистри (29).

Дастлабки баҳс – 1:4

“Фрайбург” (Германия) – “Ювентус” (Италия) 0:2

Голлар: 0:1 – 45, пенальти Влаҳович, 0:2 – 90+5 Кьеза.

“Фрайбург”: Флеккен, Силдийя, Гулде, Гинтер, Кюблер, Гюнтер (Вайсхаупт, 74), Ҳефлер, Эггештайн (Шмидт, 46), Грегорич (Петерсен, 74), Хелер (Грифо, 62), Доан (Шаллаи, 62).

“Ювентус”: Шенсни, Данило, Бремер, Гатти, Куадрадо (Де Шильо, 85), Костич (Айлинг, 71), Рабьо, Локателли (Барренечеа, 84), Фажоли, Кин, Влаҳович (Кьеза, 70).

Огоҳлантиришлар: Гулде (26), Влахович (56), Айлинг (82), Шаллаи (87).

Четлатиш: Гулде (44).

Дастлабки баҳс – 0:1

“Фееноорд” (Нидерландия) – “Шахтёр” (Украина) 7:1

Голлар: 1:0 – 9 Хименес, 2:0 – 24 Кекчю, 3:0 – 38, пенальти Кекчю, 4:0 – 49 Идрисси, 5:0 – 60 Идрисси, 6:0 – 64 Жаҳонбаҳш, 7:0 – 66 Данило, 7:1 – 87 Келси.

Дастлабки баҳс – 1:1

“Фенербаҳче” (Туркия) – “Севилья” (Испания) 1:0

Гол: 1:0 – 41, пенальти Валенсия.

Дастлабки баҳс – 0:2