Европа Лигаси. “Арсенал” пенальтилар сериясида ютқазиб, турнирни тарк этди. “Рома” ва “Байер” кейинги босқичда

Футбол бўйича Европа Лигасининг 1/8 финал жавоб баҳслари доирасидаги ўйинлар 16 март, пайшанба куни бўлиб ўтди.

“Арсенал” ўз уйида “Спортинг” билан баҳс юритди. Учрашувнинг 19-дақиқасида Гранит Жака лондонликларни олдинга олиб чиққан бўлса, 62-дақиқада Педру Гонсалвеш мувозанатни тиклади. Асосий вақтнинг қолган дақиқалари ва қўшимча бўлимларда ҳисоб ўзгармади. Пенальтилар сериясида омад португал клубига кулиб боқди.

“Рома” эса “Реал Сосьедад” майдонида меҳмон бўлди. учрашувда нурсиз дуранг қайд этилди ва Рим клуби дастлабки ўйиндаги ғалаба эвазига кейинги босқичга йўл олди.

“Байер” жавоб ўйинида ҳам “Ференсварош”ни енгган бўлса, “Юнион” жамоаси Германиянинг “Унион”идан устун келди.

Шу тариқа барча чорак финалчилар аниқланди:

• “Манчестер Юнайтед” (Англия)
• “Ювентус” (Италия)
• “Фееноорд” (Нидерландия)
• “Севилья” (Испания)
• “Спортинг” (Португалия)
• “Рома” (Италия)
• “Байер” (Германия)
• “Юнион” (Бельгия)

Европа Лигаси

1/8 финал баҳслари

16 март, пайшанба

“Арсенал” (Англия) – “Спортинг” (Португалия) 1:1

Пенальти – 3:5

Голлар: 1:0 – 19 Жака, 1:1 – 62 Педру Гонсалвеш.

“Арсенал”: Рэмсдейл, Томиясу (Уайт, 9), Габриэль, Салиба (Holding, 21), Зинченко, Жака, Жоржиньо (Парти, 65), Фабиу Виейра (Эдегор, 101), Габриэль Жезус (Троссард, 46), Нелсон (Сака, 65), Мартинелли.

“Спортинг”: Адан, Эшгайю, Сен-Жюст, Инасиу, Диоманде, Матеус Рейс (Нуну Сантуш, 94), Угарте, Педру Гонсалвеш (Эссугу, 94), Паулиню (Шермити, 90), Эдвардс (Танлонго, 119), Тринкау (Артур, 105).

Огоҳлантиришлар: Фабиу Виейра (24), Жака (45), Угарте (53), Holding (71), Диоманде (118).

Четлатиш: Угарте (118).

Дастлабки баҳс – 2:2

“Реал Сосьедад” (Испания) – “Рома” (Италия) 0:0

“Реал Сосьедад”: Ремиро, Горосабел (Сола, 71), Ле Норман, Субелдия, Рико, Сильва, Мендес (Чо, 79), Мерино, Субименди, Сёрлот (Фернандес, 62), Ойарсабаль (Кубо, 71).

“Рома”: Руй Патрисиу, Карсдорп (Залевски, 41), Смоллинг, Манчини, Рожер, Спинацсола, Вейналдум, Кристанте, Пеллегрини (Бове, 87), Дибала (аш-Шаарави, 75), Белотти (Абраҳам, 76).

Огоҳлантиришлар: Карсдорп (6), Субелдия (13), Манчини (17), Рико (39), Фернандес (87), Смоллинг (90).

Четлатиш: Фернандес (90).

Дастлабки баҳс – 0:2

“Ференсварош” (Венгрия) – “Байер” (Германия) 0:2

Голлар: 0:1 – 3 Диаби, 0:2 – 81 Адли.

Дастлабки баҳс – 0:2

“Юнион” (Бельгия) – “Унион” (Германия) 3:0

Голлар: 1:0 – 18 Теума, 2:0 – 63 Лазар, 3:0 – 90 Лапуссен.

Дастлабки баҳс – 3:3